ნუგზარ წიკლაური - „ნაციონალური მოძრაობა“ ვერ ატარებს აქციებს, არ შეუძლია პოლიტიკური ამინდის შექმნა, დაკავებულები არიან გაკოტრებული პოლიტიკოსების მოწვევით, როგორიცაა გიორგი ვაშაძე - ასეთ ვითარებაში  გაძლიერება ვერ მოხდება

პარტია „ნაციონალური მოძრაობა“ არის შენელებული, ვერ ატარებს აქციებს, არ შეუძლია პოლიტიკური ამინდის შექმნა და ძირითადად, დაკავებული არიან გაკოტრებული პოლიტიკოსების მოწვევით პარტიაში, როგორიც არის მაგალითად გიორგი ვაშაძე. ამიტომ ასეთ ვითარებაში ვერანაირი გაძლიერება ვერ მოხდება, - ამის შესახებ „ნაციონალური მოძრაობის“ წევრმა ნუგზარ წიკლაურმა ჟურნალისტებს სასტუმრო „ბილტმორიში“ განუცხადა, სადაც პარტიის ყოფილმა თავმჯდომარემ ნიკა მელიამ თანამოაზრეებთან ერთად შეხვედრა გამართა.

როგორც ნუგზარ წიკლაურმა შეხვედრის დასრულების შემდეგ ჟურნალისტებს განუცხადა, არიან ადამიანები, რომლებიც ფიქრობენ, რომ „ნაციონალური მოძრაობის“ არსებულ მენეჯმენტთან თანამშრომლობა შეუძლებელია, რადგან პარტიაში არსებული არაფორმალური მმართველობით შეუძლებელია „ქართული ოცნების“ დამარცხება, არის სხვა მოსაზრებებიც და ეს ჯანსაღიც არის.

წიკლაურის თქმით, კიდევ ბევრ ადამიანს შეხვდებიან და საბოლოო გადაწყვეტილება იქნება მიღებული.

როგორც ოპოზიციონერი პოლიტიკოსი ამბობს, რადიკალური ცვლილებების გარეშე, იმ ვითარებაში, რაც დღეს „ნაციონალურ მოძრაობაში“ ჩამოყალიბდა, ერთიანი გეგმის შემუშავება ძნელი იქნება.

„ჩვენი სურვილია ერთიანობა, რომლის წინააღმდეგ გამოდის ჩვენი პარტიის დღევანდელი მმართველობა. მე ვფიქრობ, რომ მას შემდეგ, რაც ამ მენეჯმენტმა უარი თქვა პარტიის ისტორიაზე, იმ ფუნდამენტურ ღირებულებზე, რასაც „ნაციონალური მოძრაობა“ ეფუძნებოდა, აქ ლაპარაკი არის არა იმაზე, რომ ვინმე გავა იქიდან, არამედ იმაზე, რომ ისინი სცილდებიან „ნაციონალურ მოძრაობას“. ასევე, მიხეილ სააკაშვილისთვის ყოველთვის მნიშვნელოვანი იყო მხარდამჭერების ხმა და დღეს ის ისმენს არა ჩემ მოსაზრებას, არა ნიკა მელიას ან რამდენიმე პოლიტიკოსის, არამედ, ის ისმენს ათასობით ადამიანის აზრს და შეხვედრების ეს ფორმატი მნიშვნელოვანი ამითაა“, - განაცხადა ნუგზარ წიკლაურმა.

მან ასევე უპასუხა შეკითხვას, გამორიცხავს თუ არა ლევან ხაბეიშვილთან თანამშრომლობას.

„არა, აბსოლუტურად არავისთან გამოვრიცხავ, ოღონდ ეს თანამშრომლობა უნდა იყოს დაფუძნებული იმ კოლაფსის გააზრებაზე, რაც ახალმა მენეჯმენტმა მოიტანა ბოლო 8 თვის განმავლობაში. პრაქტიკულად, არცერთი პოლიტიკური დაპირება, რაც იყო გაცემული 8 თვის წინ, შესრულებული არ არის. პარტია არის შენელებული, ვერ ატარებს აქციებს, არ შეუძლია პოლიტიკური ამინდის შექმნა და ძირითადად, დაკავებული არიან გაკოტრებული პოლიტიკოსების მოწვევით პარტიაში, როგორიც არის მაგალითად ვაშაძე. ამიტომ ასეთ ვითარებაში ვერანაირი გაძლიერება ვერ მოხდება. ერთი ხელით პარტიაში მოგყავდეს ერთ-ერთი ყველაზე უფრო ნაკლები მხარდაჭერის პოლიტიკოსი და მეორე ხელით ნახევარ პარტიას უარს ეუბნებოდე, ცხადია, ეს ვერანაირი გამარჯვების ფორმულა ვერ იქნება. ეს ბავშვმაც კი იცის“, -განაცხადა ნუგზარ წიკლაურმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024