კამპანია „ვარდისფერი ოქტომბრის“ ფარგლებში ლისის ტბაზე გარბენი გაიმართა

თბილისის საკრებულოს გენდერული თანასწორობის საბჭოს ინიციატივით, ქალთა ონკოლოგიური დაავადებების პრევენციის მიზნით საერთაშორისო კამპანია „ვარდისფერი ოქტომბრის“ ფარგლებში ლისის ტბის ტერიტორიაზე გარბენი მოეწყო. ის „ევროპა დონა საქართველოს“ და ეროვნული სკრინინგ ცენტრის ჩართულობით განხორციელდა.

ინფორმაციას ამის შესახებ თბილისის საკრებულო ავრცელებს.

მათივე ცნობით, გენდერული თანასწორობის საბჭოს თავმჯდომარე თინათინ ნიბლოშვილმა განაცხადა, რომ საბჭო სხვადასხვა სახის აქტივობებით ცდილობს ხელი შეუწყოს მოქალაქეების ინფორმირებას კიბოს დროული დიაგნოსტიკისა და სკრინინგის მნიშვნელობის შესახებ.

„დღეს ლისის ტბის ტერიტორიაზე „ვარდისფერი მარათონი“ მოეწყო. ჩვენ გარშემო ბევრი ადამიანია, რომლებმაც ეს დაავადება დაამარცხეს და ახლა სრულად არიან ჩართულები საზოგადოებრივ ცხოვრებაში. დღევანდელი დღე არის გზავნილი, რომ დროულად ჩაიტარონ სკრინინგი, რომელსაც სახელმწიფო სრულად აფინანსებს. მჯერა, ჩვენ ერთობლივი ძალისხმევით ძალიან ბევრი ადამიანის სიცოცხლის გადარჩენას შევუწყობთ ხელს“, - განაცხადა თინათინ ნიბლოშვილმა.

გავრცელებული ინფორმაციის თანახმად, „ვარდისფერ მარათონში“ გენდერული თანასწორობის საბჭოს წევრები, „ევროპა დონა საქართველოს“, ეროვნული სკრინინგ ცენტრის, საჯარო და კერძო უწყების წარმომადგენლები მონაწილეობდნენ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი