ლევან დავითაშვილმა საფოსტო სფეროს წარმომადგენლებს პროფესიული დღე მიულოცა

ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა ფოსტის სფეროს წარმომადგენლებს პროფესიული დღე - ფოსტის მსოფლიო დღე მიულოცა.

ეკონომიკის სამინისტროს ინფორმაციით, გაერომ წლევანდელ მსოფლიო ფოსტის დღე „ერთად ნდობისთვის: ვითანამშრომლოთ უსაფრთხო და დაკავშირებული მომავლისთვის“ თემატიკით აღნიშნა.

„ფოსტის სფერო წარმოადგენს ერთ-ერთ მნიშვნელოვან დარგს, რომელიც ნებისმიერი სახელმწიფოს და საზოგადოების განვითარების ყველა ეტაპზე მნიშვნელოვან ფუნქციას ასრულებდა. ციფრულ ერაში, ტექნიკის და მაღალი ტექნოლოგიების გლობალური პროგრესის მიუხედავად, ფოსტის განვითარებას მნიშვნელოვანი როლი ენიჭება ადამიანებს შორის კავშირის დამყარებაში, წარმოების, ვაჭრობის და საზოგადოების განვითარებაში შეტანილი წვლილისთვის. საფოსტო მომსახურების, როგორც სერვისის მიმწოდებლის წარმატების საფუძველი ნდობაშია. დღეს, ფოსტის მილიონობით თანამშრომელს ანდობს მსოფლიოს მაცხოვრებლები მათთვის მნიშვნელოვან ნივთებსა და გზავნილებს“, - განაცხადა ვიცე-პრემიერმა, ეკონომიკისა და მდგრადი განვითარების მინისტრმა.

ლევან დავითაშვილის განცხადებით, ციფრული ტრანსფორმაციის მიმდინარე პროცესებში საფოსტო სამყაროს დიდი პოტენციალი სწორედ ნდობაზე დაფუძნებული ურთიერთობებით და მისი ფართო ქსელის მეშვეობით ხორციელდება.

„ერთად ნდობისთვის“ არის მოწოდება მოქმედებისკენ, რათა საჯარო და კერძო სექტორის წარმომადგენლები გაერთიანდნენ ციფრული საფოსტო სფეროს განვითარებისთვის, რომელიც დაეხმარება მოსახლეობას, წვდომა ჰქონდეს ციფრულ ეკონომიკაზე“, - განაცხადა ვიცე-პრემიერმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის