პარტია „ანა დოლიძე ხალხისთვის“ მდივანი 14 წლის გოგოს მკვლელობაზე - ამ ტიპის დანაშაულთან თანამონაწილეთა დაუსჯელობასა და არასათანადო რეაგირებას მივყავართ

მსგავსი ტიპის დანაშაულებთან თანამონაწილეთა დაუსჯელობას და არასათანადო რეაგირებას მივყავართ, - ამის შესახებ პარტია „ანა დოლიძე ხალხისთვის“ მდივანმა, ინგა გოდერძიშვილმა განაცხადა, რითაც საგარეჯოს მუნიციპალიტეტში მომხდარ ტრაგედიას გამოეხმაურა, რა დროსაც ქმარმა 14 წლის გოგო მოკლა.

„არასრულწლოვანთა მიმართ იძულებით ქორწინება უმძიმესი დანაშაულია, რომლის დროსაც მოზარდებს ერთმევათ თავისუფლება, რჩებიან განათლების გარეშე, ექმნებათ ჯანმრთელობის პრობლემები. ცოტა ხნის წინ მომხდარი საზარელი დანაშაულის მსხვერპლი 14 წლის არასრულწლოვანი გოგონაა, რომელიც ცდილობდა, იძულებითი ტყვეობისგან თავი დაეღწია და საკუთარმა მეუღლემ სასიკვდილოდ გაიმეტა.

არასრულწლოვანთა მიმართ ქორწინების იძულება ხშირად დაკავშირებულია ტრადიციებთან, ეთნიკურ უმცირესობების ჯგუფთან, ფინანსურ სარგებელთანაც კი. სამწუხაროდ, ამ ტიპის დანაშაულთან თანამონაწილეთა დაუსჯელობასა და არასათანადო რეაგირებას მივყავართ. ამისათვის საჭიროა საზოგადოებაში ცნობიერების ამაღლების კუთხით კომპლექსური მუშაობა, რათა მოზარდები მსგავსი ტრაგედიისგან დავიცვათ“, - აცხადებს ინგა გოდერძიშვილი, რომლის კომენტარსაც პარტია „ანა დოლიძე ხალხისთვის“ ავრცელებს.

მათივე განმარტებით, პარტია თბილისსა და რეგიონებში ადგილობრივებთან შეხვედრების დროს ყოველდღიურ პრობლემებზე საუბრის გარდა, ცდილობს, მოქალაქეებს სწორედ აღნიშნულ თემებზე მიაწოდოს სათანადო ინფორმაცია, აუხსნას მათ, რა არის საჭირო, რომ თითოეული ქალის უფლებები საქართველოში მაქსიმალურად დაცული იყოს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის