წინასწარი შეთანხმებით ჯგუფის მიერ, დიდი ოდენობით თანხის მოტყუებით დაუფლების და უკანონო შემოსავლის ლეგალიზაციის ფაქტებზე, სასამართლომ ორი ფიზიკური და ერთი იურიდიული პირი დამნაშავედ ცნო

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და წინასწარი შეთანხმებით ჯგუფის მიერ, დიდი ოდენობით თანხის მოტყუებით დაუფლების და უკანონო შემოსავლის ლეგალიზაციის ფაქტებზე, ორი ფიზიკური და ერთი იურიდიული პირი დამნაშავედ ცნო. ინფორმაციას პროკურატურა ავრცელებს.

უწყების ცნობით, სასამართლოს გადაწყვეტილებით, ფიზიკურ პირებს, სასჯელის სახედ და ზომად 10 წლის ვადით თავისუფლების აღკვეთა განესაზღვრათ, უკანონო შემოსავლის ლეგალიზაციის ფაქტზე მსჯავრდებულ იურიდიულ პირს კი სამეწარმეო საქმიანობის უფლება უვადოდ ჩამოერთვა და 200 000 ლარის ოდენობით ჯარიმა დაეკისრა.

„სასამართლო პროცესზე გამოკვლეული მტკიცებულებებით დადასტურდა, რომ ერთ-ერთი ბრალდებული, გამოგონილი სახელით საფრანგეთსა და დიდ ბრიტანეთში მოქმედი საწარმოების წარმომადგენლებს გაეცნო, რა დროსაც ისინი დაარწმუნა, თითქოსდა მისი კომპანია საქართველოსა და საფრანგეთში დიდ სავენახე მეურნეობას ფლობდა და მათ ფინანსური მოგების მიღების მიზნით, საწარმოში ინვესტიციების განხორციელება შესთავაზა. მეტი დამაჯერებლობისთვის, ბრალდებულებმა დაზარალებულებს საწარმოს შემოსავლების, მოგების და რამდენიმე ათეული მილიონი ევროს ღირებულების აქტივების მართვის შესახებ შესახებ ყალბი ინფორმაცია წარუდგინეს.

დანაშაულებრივი ჯგუფის წევრებმა, 2020 წლის მაისი-ივლისის პერიოდში, დაზარალებულებს გამოგონილი ე.წ. წარმატებული ბიზნესსაქმიანობის ფარგლებში, თითქოსდა საინვესტიციოდ განკუთვნილი 600 000 ევრო საბანკო ანგარიშებზე მოტყუებით ჩაარიცხინეს.

შემდგომში, ფულის გათეთრების მიზნით, ბრალდებულებმა დანაშაულებრივი გზით მიღებული შემოსავალი დააკონვერტირეს და მრავალჯერადი ტრანზაქციებით, ფიქტიური დანიშნულებებით, ერთ-ერთი ბრალდებულის პირად, ასევე მათ საკუთრებასა და მფლობელობაში არსებულ სხვა კომპანიების საბანკო ანგარიშებზე გადარიცხეს.

აღნიშნული გზით, დანაშაულებრივი ჯგუფის წევრებმა 1 898 880 ლარის, 39 550 ევროს და 9 000 აშშ დოლარის უკანონო შემოსავლის ლეგალიზაცია მოახდინეს.

სასამართლოს გადაწყვეტილებით, წინასწარი შეთანხმებით ჯგუფის მიერ, დიდი ოდენობით თანხის მოტყუებით დაუფლების და უკანონო შემოსავლის ლეგალიზაციის ფაქტებზე ბრალდებულ ფიზიკურ პირებს, სასჯელის სახედ და ზომად 10 წლის ვადით თავისუფლების აღკვეთა განესაზღვრათ. უკანონო შემოსავლის ლეგალიზაციის ფაქტზე მსჯავრდებულ იურიდიულ პირს უვადოდ ჩამოერთვა სამეწარმეო საქმიანობის უფლება და დაეკისრა ჯარიმა 200 000 ლარის ოდენობით.

განაჩენით მსჯავრდებულებს სახელმწიფოს სასარგებლოდ - 311 652 ლარის ღირებულების ოთხი უძრავი ქონება, ორი ავტომანქანა, და საბანკო ანგარიშებზე დაყადაღებული თანხა ჩამოერთვათ,“ - აღნიშნულია გავრცელებულ ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის