ირაკლი კობახიძე - ჩვენ მივესალმებით ხაბეიშვილის დიდხანს დარჩენას თავმჯდომარის პოზიციაზე

რაც შეეხება ხაბეიშვილს, ჩვენ მივესალმებით მის დიდხანს დარჩენას თავმჯდომარის პოზიციაზე, - ამის შესახებ ქართული ოცნების“ თავმჯდომარემ ირაკლი კობახიძემ განაცხადა.

მისივე თქმით, დავით კეზერაშვილის ფაქტორი მნიშვნელოვანია იქიდან გამომდინარე, რომ ის რადიკალური ოპოზიციის მთავარი დამფინანსებელია.

„რაც შეეხება ხაბეიშვილს, ჩვენ მივესალმებით მის დიდხანს დარჩენას თავმჯდომარის პოზიციაზე. რაც შეეხება ზოგადად ოპოზიციას, კეზერაშვილის ფაქტორი, რა თქმა უნდა, ყველასთვის მნიშვნელოვანია გამომდინარე იქიდან, რომ ის არის ოპოზიციის მთავარი დამფინანსებელი და დონორი. როგორც არ უნდა ისაუბრონ, ეს არის ფაქტი. ისინი მთლიანად დამოკიდებული არიან, ბუნებრივია, კეზერაშვილზე და ის თავის სისხლიან, კორუფციით ნაშოვნ ფულს წარუმატებლად, მაგრამ ქართულ პოლიტიკაში აბანდებს. შესაბამისად, ეს საუბრები რომ კეზერაშვილი ვიღაცას მოსწონს და ვიღაცას არა ფარსია. ისინი მისგან დაფინანსებას იღებენ“, - განაცხადა კობახიძემ.

გარდა ამისა, კობახიძე ოჩამჩირეში რუსული ბაზის განთავსების საკითხზე პარლამენტის მიერ რეზოლუციის მიღების შესახებ ოპოზიციის ინიციატივასაც გამოეხმაურა და აღნიშნა, რომ მათი პოზიცია ძალაში რჩება - მხარს არ დაუჭერენ "რადიკალური ოპოზიციის მიერ ინიცირებულ არც ერთ საგარეო პოლიტიკურ რეზოლუციას". როგორც კობახიძე აღნიშნავს, რადიკალურ ოპოზიციას განსხვავებული მიზნები აქვს, რაც სახელმწიფო ინტერესებს პირდაპირ უპირისპირდება

„ჩვენი პოზიცია ძალაში რჩება - ჩვენ მხარს არ დავუჭერთ რადიკალური ოპოზიციის მიერ ინიცირებულ არც ერთ საგარეო პოლიტიკურ რეზოლუციას. მათ აქვთ განსხვავებული მიზნები, რაც ჩვენს სახელმწიფო ინტერესებს პირდაპირ უპირისპირდება. ეს არც წარსულში გაგვიკეთებია და არც მომავალში დავუჭერთ მხარს. მათ არც ერთ საგარეო ინიციატივას მხარს არ დავუჭერთ.

სახელმწიფომ თავისი პოზიცია ოფიციალურად უკვე გამოხატა. ოპოზიცია რასაც ცდილობს, ამაზე მეტია? - 11 წელია, ამ ქვეყანაში მშვიდობას ვინარჩუნებთ. ერთადერთი ხელისუფლება ვართ, ვის პირობებშიც რუსეთს არ ჰქონია ტერიტორიული წინსვლა. ეს არის ჩვენი პოლიტიკის შედეგები“, - განაცხადა ირაკლი კობახიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო