კახა კალაძე - ხაბეიშვილი დაუპირისპირდა მელიას და მერაბიშვილ-კეზერაშვილის დახმარებით პარტიის თავმჯდომარეობიდან გააგდო - ახლა გაბოროტებული მელია ებრძვის ხაბეიშვილსა და მერაბიშვილს

„ნაციონალურ მოძრაობაში“ დაპირისპირება დღეს არ დაწყებულა - ხაბეიშვილი დაუპირისპირდა მელიას და მერაბიშვილისა და კეზერაშვილის დახმარებით პარტიის თავმჯდომარეობიდან გამოაგდო - დღეს კი მელია გაბოროტებულია და ებრძვის ხაბეიშვილსა და მერაბიშვილს, - ამის შესახებ „ქართული ოცნების“ გენერალურმა მდივანმა, დედაქალაქის მერმა კახა კალაძემ ჟურნალისტებს განუცხადა.

მისი თქმით, „ნაციონალურ მოძრაობაში“ არსებული დაპირისპირება მმართველი გუნდისთვის საინტერესო არაა, რადგან სხვა გამოწვევებია.

„დაპირისპირება დღეს არ დაწყებულა, ყველამ ვიცით, როდის და საიდან დაიწყო. ხაბეიშვილი დაუპირისპირდა მელიას და მერაბიშვილისა და კეზერაშვილის დახმარებით გამოაგდო პარტიის თავმჯდომარეობიდან. ეს პროცესი გრძელდება, ეს არის მათი პირადი დაპირისპირება. დღეს მელია გაბოროტებულია და ებრძვის ხაბეიშვილს, მერაბიშვილს. აქვთ დაპირისპირება, რაც საჯაროა და მგონი, ყველაფერი სააშკარაოზეა. საერთოდ არ მაინტერესებს, რა ურთიერთობა ექნებათ ხაბეიშვილს და მელიას და რა მდგომარეობა იქნება „ნაციონალურ მოძრაობაში“. დღეს სხვა გამოწვევებია. სხვა მნიშვნელოვანი პრიორიტეტებია, რომელიც ხელისუფლებას აწუხებს. უნდა ვიფიქროთ ამ ყველაფერზე, როგორ ვუპასუხოთ გამოწვევებს, რაც არსებობს.

არ ვიცი, რა გადაწყვეტილებას მიიღებს მელია. ისიც ითქვა, რომ გაგდებას უპირებენ, შემდეგ მელია გამოვიდა და განცხადება გააკეთა, რომ წასვლას აპირებდა. არ მინდა ამ დეტალებში შევიდე. ეს ჩვენი გუნდისთვის საინტერესო არაა“,- განაცხადა კახა კალაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია