ალექსანდრე ხვთისიაშვილი - "აბრეშუმის გზის ფორუმი" გვაძლევს შესაძლებლობას, მის მონაწილეებს ვაჩვენოთ, რა რეფორმებს ვახორციელებთ  საქართველოში, რა შედეგები მივიღეთ უახლოეს პერიოდში და რას ვგეგმათ მომავალში

„აბრეშუმის გზის ფორუმის“ ისტორია რეალურად 2014 წლიდან დაიწყო, როდესაც საქართველოს მაშინდელმა პრემიერ-მინისტრმა გაეროში განაცხადა, რომ საქართველო აპირებს ძველი ისტორიული "აბრეშუმის გზის" აღდგენას და ხელშეწყობას. ამას მოყვა რიგი ფორუმებისა 2015, 2017 და 2019 წლებში და წელს ეს მასშტაბური ღონისძიება მეოთხედ ჩავატარეთ, - ამის შესახებ საგარეო საქმეთა მინისტრის მოადგილე ალექსანდრე ხვთისიაშვილმა, რომელმაც მონაწილეობა მიიღო თბილისის აბრეშუმის ფორუმის მუშაობაში.

მინისტრის მოადგილის თქმით, ფორუმის მიმართ მონაწილეთა ასეთი დიდი კონცენტრაცია, მეტყველებს სხვადასხვა ქვეყნის განსაკუთრებულ ინტერესზე ჩვენი რეგიონის და კონკრეტულად ჩვენი ქვეყნის მიმართ.

„ხაზგასასმელია ის გარემოება, რომ ახლა ფართო რეგიონსა და მსოფლიოში არ არის მშვიდი პერიოდი, ამ ვითარებაში კი თბილისის ფორუმის მიმართ ასეთი დიდი ინტერესი მეტყველებს იმას, რომ ჩვენი ქვეყნისა და რეგიონის მიმართ არის განსაკუთრებული ყურადღება მიპყრობილი. ფორუმზე გაჟღერებული მესიჯებიდან გამომდინარე შეგვიძლია ვთქვათ, რომ ის წარმატებულად ჩავატარეთ. აბრეშუმის გზის ფორუმი გვაძლევს შესაძლებლობას, მის მონაწილეებს ვაჩვენოთ, რა რეფორმებს ვახორციელებთ საქართველოში, რა შედეგები მივიღეთ უახლოეს პერიოდში და რას ვგეგმათ მომავალში. ასევე ვაჩვენოთ ჩვენი თანამშრომლობის ხარისხი რეგიონის ქვეყნებთან და რა ნაბიჯებს ვდგამთ, სავაჭრო-ეკონომიკური ურთიერთობების გასაღრმავებლად", - განაცხადა ალექსანდრე ხვთისიაშვილმა, რომლის კომენტარსაც ეკონომიკის სამინისტრო ავრცელებს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?