თეონა აქუბარდია - მიუხედავად იმისა, რომ ევროკავშირის მოწოდება თვითრეგულირება იყო, „ქართულმა ოცნებამ“ კრიტიკული მედიის წინააღმდეგ რისკები შექმნა

მიუხედავად იმისა, რომ ევროკავშირის მოწოდება თვითრეგულირება იყო, „ქართულმა ოცნებამ" კრიტიკული მედიის წინააღმდეგ რისკები შექმნა, - ამის შესახებ ჟურნალისტებთან ოპოზიციონერმა დეპუტატმა თეონა აქუბარდიამ განაცხადა.

აქუბარდიას თქმით, პრობლემაა ის, რომ რეგულირებას ექვემდებარება არამხოლოდ სიძულვილის ენა, არამედ უხამსობაც, იმ პირობებში როცა მარეგულირებელი კომისია დამოუკიდებელი არ არის.

„სიძულვილის ენასთან დაკავშირებით რომ ევროკავშირს რეკომენდაცია ჰქონდა, ეს ახალი არ არის ისევე, როგორც არც ის არის ახალი, რომ მარეგულირებელი კომისია არ არის დამოუკიდებელი. კანონმდებლობით კი, თვითრეგულირების ნაცვლად, რეგულირების საგანი ხდება არამხოლოდ სიძულვილის ენა, არამედ უხამსობა. ეს პრობლემა რომ გადასაწყვეტი იყო, ეს კიდევ გაზაფხულზე გვითხრეს, როცა „მაუწყებლობის შესახებ“ კანონი დააინიცირა „ქართულმა ოცნებამ“. ერთია ევროკავშირის მოწოდება, რომ თვითრეგულირება უნდა იყოს და არა რეგულირება, მეორეა, რომ „ქართულმა ოცნებამ“ შექმნა რისკები კრიტიკული მედიის წინააღმდეგ მიუხედავად იმისა, რომ ევროკავშირი სიძულვილის ენის თვითრეგულირებას მოგვიწოდებდა რეკომენდაციით“, - განაცხადა აქუბარდიამ.

ინფორმაციისთვის, ევროკავშირის წარმომადგენლობაში "ინტერპრესნიუსს" „მაუწყებლობის შესახებ“ კანონის თაობაზე განუცხადეს, რომ „უხამსობის“ ცნება დირექტივის ნაწილი არ არის და დირექტივის ფარგლებში რეგულირებას არ საჭიროებს.

მათივე განცხადებით, ქართულ მხარესთან კონსულტაციების განმავლობაში, ევროკომისია ყოველთვის ხაზგასმით აღნიშნავდა მარეგულირებელი კომისიის რეალური დამოუკიდებლობისთვის შემდგომი მუშაობის აუცილებლობას.

ევროკავშირის წარმომადგენლობაში აცხადებენ, რომ ჩვეულებრივ, ევროკავშირის დირექტივები მათი შესრულების ზუსტ წესს არ კარნახობენ და ევროკავშირის წევრი ქვეყნები გარკვეულწილად თავისუფლები არიან გადაწყვეტილების მიღებისას, თუ როგორ გადაიტანონ დირექტივები ეროვნულ კანონმდებლობაში.

„საქართველოს შემთხვევაში, განსაკუთრებით ახლა, როდესაც ქვეყანა ევროკავშირში გაწევრიანების გზაზეა, აუცილებელია, რომ მისი კანონმდებლობა გარკვეულ დებულებებსა და პრინციპებს შეესაბამებოდეს“, - აცხადებენ ევროკავშირის წარმომადგენლობაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის