ირაკლი კობახიძე სტუდენტებს შეხვდა

საპარლამენტო უმრავლესობის ლიდერი, ირაკლი კობახიძე თბილისის სხვადასხვა უნივერსიტეტის სტუდენტებს, დღეს, საქართველოს პარლამენტში შეხვდა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, ახალგაზრდებმა ირაკლი კობახიძისგან ქვეყანაში მიმდინარე პოლიტიკურ პროცესებზე დეტალური ინფორმაცია მიიღეს. სტუდენტები გაეცნენ საპარლამენტო საქმიანობის ფუნდამენტურ პრინციპებს და გადაწყვეტილებების მიღების სპეციფიკას. სტუდენტები ასევე დაინტერესდნენ ქვეყნის საგარეო და საშინაო პოლიტიკური საკითხებით.

„შეხვედრაში დიდუბისა და ჩუღურეთის რაიონებში მცხოვრები 100-მდე ახალგაზრდა მონაწილეობდა. შეთანხმდნენ, რომ ახალგაზრდებთან მსგავს შეხვედრებს პერმანენტული ხასიათი ექნება.

შეხვედრას პარლამენტის პირველი ვიცე-სპიკერი, ჩუღურეთის რაიონის მაჟორიტარი დეპუტატი გიორგი ვოლსკი ესწრებოდა.

შეხვედრაში ასევე მონაწილეობდნენ დიდუბისა და ჩუღურეთის რაიონების გამგებლები და თბილისის საკრებულოს მაჟორიტარი წევრები. პარლამენტში სტუდენტების სტუმრობა პარლამენტის წევრების, რიმა ბერაძისა და ირმა ზავრადაშვილის ორგანიზებით განხორციელდა.

შეხვედრის შემდეგ სტუდენტებისთვის პარლამენტის შენობაში საექსკურსიო ტური გაიმართა“,- ნათქვამია ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის