დავით მათიკაშვილი იუსტიციის მინისტრს - თქვენ გახდით ძალიან უსამართლო შემოტევის ადრესატი და მინდა გითხრათ, რომ ღირსებითა და სამართლიანად გაიარეთ ეს პერიოდი

თუ იტყვით, რომ სააკაშვილის, ვითომ შიმშილობა, შიმშილობაა და ეს იმიტომ ხდებოდა, რომ რამეს აპროტესტებდა, რა თქმა უნდა, არა, ეს იყო ფარსი, ჩვეულებრივი პროექტი, თუ როგორ გამოეყვანათ სააკაშვილი მალე ციხიდან - ამ პირობით მოხდა, ალბათ, კონტეინერით მისი შემოპარვა, - ამის შესახებ იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა პარლამენტის პლენარულ სხდომაზე განაცხადა, სადაც „მინისტრის საათის" ფორმატში იუსტიციის მინისტრს რატი ბრეგაძეს მოუსმინეს.

მათიკაშვილის შეფასებით, აღმოჩნდა, რომ სტრასბურგის ადამიანის უფლებების სასამართლო არ არის პოლიტიკურად ანგაჟირებული და იღებს სამართლებრივ და სამართლიან გადაწყვეტილებას.

დავით მათიკაშვილმა სხდომაზე მინისტრს მიმართა და აღნიშნა, რომ რატი ბრეგაძე ბოლო პერიოდში მის წინააღმდეგ მიმართულ თავდასხმებს ღირსეულად უმკლავდებოდა.

„2020 წლიდან დღემდე, თქვენ გახდით, ძალიან ხშირად უსამართლო შემოტევის ადრესატი და მინდა გითხრათ, რომ ღირსებით და სწორად, სამართლიანად გაიარეთ თქვენ ეს პერიოდი. სწორედ ის პოზიცია გეკავათ, რაც იყო ჭეშმარიტად იუსტიციის სამინისტროს ხელმძღვანელის პოზიცია", - აღნიშნა დავით მათიკაშვილმა.

მისივე თქმით, იუსტიციის სამინისტრომ 2012 წლიდან დღემდე ყველაზე დიდი ტრანსფორმაცია განიცადა.

„წამების, ტანჯვის, უსამართლო ბრალდებების ინსტრუმენტიდან უწყება გადაიქცა ადამიანის უფლებების დაცვაზე, ჩვენი ქვეყნის განვითარებაზე და პროგრესზე, წინსვლაზე ორიენტირებულ სამინისტროდ", - განაცხადა დავით მათიკაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი