იაგო ხვიჩია - მიხეილ სააკაშვილმა პირველი ადგილისთვის რომ იბრძოლოს, ბევრი ზღაპარი აქვს მოსაყოლი

პირველი ადგილისთვის რომ იბრძოლოს, ამისთვის მიხეილ სააკაშვილს ბევრი ზღაპარი აქვს მოსაყოლი , - ამის შესახებ პარტია „გირჩის“ლიდერმა, იაგო ხვიჩიამ „პალიტრანიუსის“ გადაცემაში „360 გრადუსი“ განაცხადა.

იაგო ხვიჩიას განცხადებით, იმის გამო, რომ წინასაარჩევნო კონსტრუქცია ჯერ ჩამოყალიბებული არ არის, მიხეილ სააკაშვილი პოზიციების გამოხატვისგან თავს იკავებს.

„არსებობს პარტიათა დიდი ნაწილი, რომლებიც უბრალოდ იმის გამო, რომ ახლა წინასაარჩევნო კონსტრუქცია ჯერ ჩამოყალიბებული არ არის - არ ვიცით, ვინ ვისთან არის, ვინ რომელ კოალიციაშია, რამდენპროცენტიანი ბარიერია, ვინ რას უჭერს მხარს, პოზიციების გამოხატვისგან იკავებს თავს. მაგალითად, მიხეილ სააკაშვილი იკავებს თავს. დღეს დაიწყო რაღაცებზე საუბარი, ეროვნული ბანკი და სხვა.

მეორე ადგილისთვის რომ არ იბრძოლოს მიხეილ სააკაშვილმა და პირველი ადგილისთვის იბრძოლოს, ამისთვის მიხეილ სააკაშვილს ბევრი ზღაპარი აქვს მოსაყოლი. ათას ერთი ღამის ზღაპრები რომ წარმოვიდგინოთ, მიხეილ სააკაშვილი ყოველდღიურად ერთ ამბავს უნდა ჰყვებოდეს. ამბავი პირველი - როგორ შევქმენი პროკურატურა; ამბავი მეორე - როგორ შევქმენი სასამართლო; ამბავი მესამე - ეკონომიკის სამინისტროს როგორ ვმართავდი; ამბავი მეოთხე - გუბერნატორებს რა როლი ჰქონდა ჩვენ დროს; ამბავი მეექვსე - სპეცდანიშნულების რაზმების ხელმძღვანელობა როგორ ხდებოდა და როგორ ხდებოდა ისეთი დავალებების მიცემა, რომელიც საჯარო არ იყო“, - განაცხადა იაგო ხვიჩიამ.

იაგო ხვიჩიას თქმით, მიხეილ სააკაშვილს თუ 2024 წლის არჩევნებისთვის პირველი ადგილისთვის ბრძოლა უნდა, კარდინალურად განსხვავებული ნაბიჯები უნდა გადადგას.

„ ვარდების რევოლუციის 20 წლისთავია. 20 წლის წინ მიხეილ სააკაშვილს არჩევნების მიხედვით 95%-იანი რეიტინგი ჰქონდა და ქვეყნის პრეზიდენტი იყო. მოლოდინები არსებობდა უამრავი, ხოლო დღეს პატიმარია ისე, რომ მის გამოსახსნელად ხალხი არ იკრიბება, დაპირებების მიუხედავად.

მისი ტელევიზიისა და პარტიის დიდი ნაწილი „ქართლი ოცნების“ მხარეს თუ არ არის, მის საწინააღმდეგო თამაშსაც დიდად არ თამაშობს. ამაზე უარესი რა უნდა მოხდეს“, - განაცხადა ხვიჩიამ და დასძინა, რომ „თუ პირველი ადგილისთვის თამაში გინდა, კარდინალური ნაბიჯები უნდა გადადგა“.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს