Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს

ავსტრიული ლოგისტიკური კომპანია Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს.

კომპანია კავკასიის რეგიონში სატრანსპორტო და ლოგისტიკურ სერვისებზე მზარდ მოთხოვნას პასუხობს და საქართველოს დედაქალაქში, მის თანამედროვე ლოგისტიკურ ტერმინალს კიდევ ერთხელ მნიშვნელოვნად აფართოებს.

მშენებლობის საძირკველს საფუძველი უკვე ჩაეყარა და პროექტის დასრულება 2024 წლის შემოდგომისთვის იგეგმება.

„ეს ჩვენთვის გადამწყვეტი ნაბიჯია, რადგან საქართველოში ჩვენი სერვისების განვითარების გაგრძელება გვაქვს დაგეგმილი. დამატებითი ლოგისტიკური ფართობი საშუალებას მოგვცემს მზარდი ბიზნეს მოცულობები სწრაფად და მოქნილად ვმართოთ, და უზრუნველვყოთ მომხმარებლის კმაყოფილება”, - აცხადებს Gebrüder Weiss-ის საქართველოს გენერალური დირექტორი ალექსანდრე ხარლამოვი.

„ამასთან ერთად, აღნიშნული გაფართოებით ჩვენ ვგეგმავთ გავზარდოთ ყაზახეთთან თანამშრომლობა, ყურადღება გავამახვილოთ საქართველოს რეგიონალური ჰაბის როლზე და საერთაშორისო საკვანძო კლიენტებზე“ - აღნიშნავს Gebrüder Weiss-ის რეგიონული მენეჯერი ტომას მოზერი.

სულ ახლახანს, Gebrüder Weiss-მა დანერგა რეგულარული ნაკრები ტვირთის სახმელეთო ტრანსპორტირების მომსახურება თბილისსა და ალმათის (ყაზახეთი) შორის, რაც ცენტრალურ აზიას უფრო მჭიდროდ აკავშირებს Gebrüder Weiss-ის ერთიან ევროპულ ქსელთან და თავის მხრივ მომხმარებელს სთავაზობს საჰაერო გადაზიდვის ალტერნატიულ საშუალებას.

Gebrüder Weiss-ის ლოგისტიკური ტერმინალი საქართველოში 2012 წელს დაფუძნდა და ის ევროპასა და ცენტრალურ აზიას შორის საქონლის ტრანსპორტირების მნიშვნელოვან ჰაბად იქცა. ბოლო სამი წლის განმავლობაში საქონლის იმპორტი და ექსპორტი კიდევ უფრო მკვეთრად გაიზარდა, როგორც ევროკავშირის, საქართველოს მეზობელი ქვეყნების - სომხეთისა და აზერბაიჯანის მიმართულებით, ასევე, ცენტრალური აზიის მიმართულებითაც. შესაბამისად, სატრანსპორტო მარშრუტებზე, სასაწყობე ინფრასტრუქტურასა და ლოგისტიკურ სერვისებზე მოთხოვნა გაიზარდა. Gebrüder Weiss საქართველომ, ამ ეკონომიკურ განვითარებას, არსებული ლოგისტიკური ფართობის 13 000 მ2 მეტით გაზრდით პასუხობს.

Gebrüder Weiss-მა კავკასიის რეგიონის ეკონომიკური პოტენციალი და გეოსტრატეგიული მნიშვნელობა ადრეულად აღიარა და ამ რეგიონში უკვე განახორციელა ინვესტიციები, რომლებიც წარმატებული აღმოჩნდა. დღესდღეობით, ტექსტილის, საყოფაცხოვრებო საქონლის, მაღალტექნოლოგიური და საავტომობილო მრეწველობის მრავალი დიდი მომხმარებელი ავსტრიული ლოგისტიკური კომპანიის სწრაფ და საიმედო სერვისებს ეყრდნობა. ბოლო ხუთი წლის განმავლობაში, Gebrüder Weiss-მა ჯამურად, 500 000 ტონამდე ტვირთი გადაზიდა.

ინფორმაციისთვის, ლაუტერახში, ავსტრიაში მდებარე Gebrüder Weiss Holding AG გლობალურად მომუშავე სრული ლოგისტიკური სერვისების მომწოდებელი კომპანიაა. მსოფლიოს მასშტაბით, კომპანიის საკუთრებაში არსებულ 180 ლოკაციაზე, დასაქმებულია დაახლოებით, 8 400 თანამშრომელი. 2022 წელს, ჰოლდინგის წლიურმა გაყიდვებმა 3 მილიარდი ევრო შეადგინა. კომპანიის პორტფოლიო სატრანსპორტო და ლოგისტიკურ გადაწყვეტილებებს, ციფრულ სერვისებსა და მიწოდების ჯაჭვის მართვას მოიცავს. ციფრული და ფიზიკური კომპეტენციების ერთობლიობა Gebrüder Weiss-ს საშუალებას აძლევს, მომხმარებლის საჭიროებებს სწრაფად და მოქნილად უპასუხოს. ვაისების ოჯახის მიერ მართულმა კომპანიამ - ისტორიით, რომელიც ნახევარ ათასწლეულზე მეტს ითვლის - გარემოსდაცვითი, ეკონომიკური და სოციალური ინიციატივების ფართო სპექტრი დანერგა. დღეისთვის, ის აგრეთვე მიჩნეულია პიონერად მდგრად ბიზნეს-პრაქტიკებში.

www.gw-world.com

(R)

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას