„დროას“ ლიდერის, ელენე ხოშტარიას ინფორმაციით, ამერიკის შეერთებული შტატების ელჩთან შეხვედრაზე თავისუფალი და დემოკრატიული არჩევნების ჩატარებასა და ევროპული დღის წესრიგის ბოლომდე მიყვანაზე ისაუბრეს.

როგორც მან შეხვედრის დასრულების შემდეგ აღნიშნა, საუბრის ერთ-ერთ თემას ასევე წარმოადგენდა ის გამოწვევები, რაც რუსეთიდან მომდინარეობს.

„მთავარია, რომ ყველაზე გამოცდილი და ძალიან დიდი მხარდამჭერია საქართველოს დემოკრატიის, საქართველოს ევროპული და ევროატლანტიკური პერსპექტივის.

რეგიონში ძალიან დიდი გამოცდილება აქვს. ბუნებრივია, ვისაუბრეთ იმ გამოწვევებზე, რაც რუსეთიდან მომდინარეობს. ასევე, იმ ამოცანებზე, რაც საქართველოს აქვს, ეს არის თავისუფალი და დემოკრატიული არჩევნების ჩატარება და ევროპული დღის წესრიგის ბოლომდე მიყვანა, იმ დიდი შანსის გამოყენება, რომელიც დღეს საქართველოს ეძლევა ევროპული სტატუსის სახით. ბუნებრივია, ვაპირებთ ჩვენი დემოკრატიული და ევროპული მომავლისთვის ბრძოლას. პირველი გაცნობითი შეხვედრა იყო, ძალიან ინტენსიური თანამშრომლობის იმედი გვაქვს ამ ძალიან კრიტიკულ წელს“,- აღნიშნა ხოშტარიამ.