პარტია "ნაციონალური მოძრაობის" თავმჯდომარის არჩევნები ყოველ სამ თვეში ერთხელ ვერ ჩატარდება - მაშინ როცა გენერალური არჩევნები უნდა ჩავატაროთ და მოვიგოთ რუსული რეჟიმის წინააღმდეგ, ეს საკითხი არ განიხილება, - ამის შესახებ ფრაქცია "ნაციონალური მოძრაობის"თავმჯდომარემ თინა ბოკუჩავამ ჟურნალისტებს განუცხადა.

ბოკუჩავას თქმით, პარტიის თავმჯდომარის არჩევის პროცესი დასრულებულია და "მსჯელობა სერიოზულ თემებზე უნდა დაიწყოს".

"ეს თემა ყველას მობეზრდა - მათ შორის მობეზრდა ჟურნალისტების უმრავლესობას, ამომრჩეველს. პროცესისგან სიამოვნებას მხოლოდ ბიძინა ივანიშვილი იღებს და ამ თემებზე მუდმივი პედალირებით ივანიშვილს სიამოვნებას ვერ მივანიჭებთ", - განაცხადა ბოკუჩავამ.

ზუგდიდის, ხობისა და ჭიათურის საკრებულოების ფრაქცია "ნაციონალური მოძრაობის" წევრები ლევან ხაბეიშვილს გადადგომისკენ მოუწოდებენ.