რაჭაში სახელმწიფო რწმუნებულის ადმინისტრაციას, აშშ-ის ევროპული სარდლობის თავდაცვის სფეროში თანამშრომლობის სამსახურმა მძიმე ტექნიკა გადასცა

რაჭაში სახელმწიფო რწმუნებულის ადმინისტრაციას, აშშ-ს ევროპული სარდლობის თავდაცვის სფეროში თანამშრომლობის სამსახურმა მძიმე ტექნიკა გადასცა. ამის შესახებ ინფორმაციას ამბროლაურის მუნიციპალიტეტის მერია ავრცელებს.

მათივე ცნობით, ადმინისტრაციამ აღჭურვილობა ჰუმანიტარული დახმარების პროექტის ფარგლებში მიიღო და ის რეგიონში შემავალ მუნიციპალიტეტებზე, საჭიროებისამებრ, განაწილდება. აღსანიშნავია, რომ უახლოეს მომავალში მათი მხრიდან, კვლავ, იგეგმება რეგიონისთვის მძიმე ტექნიკის გამოყოფა, რის შედეგადაც რეგიონში შემავალი ოთხივე მუნიციპალიტეტი სრულად დაკმაყოფილდება.

ინფორმაციის თანახმად, შეხვედრის დროს მხარეებმა საქართველოსა და ამერიკის შეერთებულ შტატებს შორის არსებულ მჭიდრო ურთიერთობებზეც ისაუბრეს და განიხილეს რაჭა-ლეჩხუმი-ქვემო სვანეთის რეგიონის კატასტროფებზე რეაგირებისა და მდგრადობის შესაძლებლობების გაძლიერების მიმართულებით დაგეგმილი სამომავლო პროექტები.

„რაჭა-ლეჩხუმისა და ქვემო სვანეთის მხარეში მივიღეთ მძიმე ტექნიკა, რომელიც იქნება განაწილებული მხარის ოთხივე მუნიციპალიტეტში. ჩვენი, როგორც მაღალმთიანი რეგიონისთვის განსაკუთრებით მნიშვნელოვანია მძიმე ტექნიკის არსებობა, რადგან საგანგებო სიტუაციებისა და განსაკუთრებით სტიქიური მოვლენების დროს საჭიროა სწრაფი და ეფექტური რეაგირება“,- განაცხადა სახელმწიფო რწმუნებულმა.

ამბროლაურის მერიის ცნობით, ტექნიკის გადაცემის ცერემონიას სახელმწიფო რწმუნებული- პაპუნა მარგველიძე, მოადგილეებთან - ქრისტინა კობახიძესთან, ალუდა თუთისანთან, ბერდია ჩანქსელიანთან, რაჭა-ლეჩხუმ-სვანეთის მაჟორიტარ დეპუტატთან- გოჩა ენუქიძესთან და ამბროლაურის მუნიციპალიტეტის ხელმძღვანელ პირებთან ერთად ესწრებოდა. ასევე ცერემონიას ესწრებოდნენ გენერალი ირაკლი ჭიჭინაძე, პოლკოვნიკი გიორგი შერაზადაშვილი, გენერალი რომან ჯოხაძე, აშშ-ს საელჩოს მხრიდან კი პოლკოვნიკი ჯოზეფ ბილბო და ვიცე-პოლკოვნიკი ეროლ მუნირი.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო