რუსეთის საგარეო საქმეთა სამინისტროში ფინეთის ელჩი დაიბარეს. ამის შესახებ ინფორმაციას რუსეთის ფედერაციის საგარეო საქმეთა სამინისტროს ოფიციალური წარმომადგენელი, მარია ზახაროვა ავრცელებს.

„საგარეო საქმეთა სამინისტროში ელჩს უთხრეს, რომ მოსკოვი ჩვენს საზღვარზე ნატო-ს სამხედრო პოტენციალის გაძლიერებას უპასუხოდ არ დატოვებს, რომელიც რუსეთის ფედერაციის უსაფრთხოებას უქმნის საფრთხეს და ფინეთისა და მისი ნატო-ს მოკავშირეების აგრესიული გადაწყვეტილებების საპასუხოდ აუცილებელ ზომებს მიიღებს”, - განაცხადა ზახაროვამ.

შეგახსენებთ, რომ 18 დეკემბერს, ფინეთმა აშშ-სთან თავდაცვის სფეროში თანამშრომლობის ხელშეკრულება გააფორმა, რომელიც აშშ-ს ფინეთის ტერიტორიაზე სამხედრო წვდომის საშუალებას აძლევს.