ისრაელის ქირიათ შმონას დასახლებაში წუხელ განხორციელებულ სარაკეტო თავდასხმაზე პასუხისმგებლობა დაჯგუფება „ჰეზბოლამ“ აიღო, - ინფორმაციას The Times of Israel-ი ავრცელებს.

ირანის მიერ მხარდაჭერილი ჯგუფის განცხადებაში ნათქვამია, რომ ისრაელის მიერ სოფლებისა და მშვიდობიანი მოსახლეობის სახლების წინააღმდეგ განხორციელებული თავდასხმების საპასუხოდ ქირიათ შმონას მიმართულებით „კატიუშას“ რაკეტები გაუშვეს.

ისრაელის თავდაცვის ძალებს სარაკეტო იერიშის შესახებ განცხადება არ გაუკეთებია. ადგილობრივი მედიის ცნობით, თავდასხმის დროს მინიმუმ 8 რაკეტა გაუშვეს, აქედან 5 ისრაელის თავდაცვამ მოიგერია, 3 კი - ღია ტერიტორიაზე დაეშვა.

დაშავებულების შესახებ ინფორმაცია, ჯერჯერობით, არ გავრცელებულა.