უკრაინის ეკონომიკის მინისტრი - ფინანსური დახმარების გარეშე მილიონობით მოქალაქისთვის პენსიებისა და ხელფასების გაცემის გადავადება მოგვიწევს

ფინანსური დახმარების გარეშე მილიონობით მოქალაქისთვის პენსიებისა და ხელფასების გაცემის გადავადება მოგვიწევს, - ამის შესახებ უკრაინის ეკონომიკის მინისტრმა, იულია სვირიდენკომ განაცხადა.

„თუ 2024 წლის დასაწყისში აშშ და ევროკავშირი უკრაინას ფინანსურ დახმარებას არ გაუწევენ, მაშინ საჯარო მოსამსახურეებისთვის და მილიონობით მოქალაქისთვის ხელფასებისა და პენსიების გაცემის გადავადება მოგვიწევს“, - განაცხადა იულია სვირიდენკომ.

„პარტნიორების მხარდაჭერა უკიდურესად კრიტიკულია. ჩვენ ეს სასწრაფოდ გვჭირდება“, - აღნიშნა უკრაინის ეკონომიკის მინისტრმა.

კერძოდ, საუბარია 500 000 საჯარო მოხელისა და 1,4 მილიონი მასწავლებლის ხელფასის, ასევე, 10 მილიონი პენსიონერისთვის პენსიის გაცემის შესახებ.