დიმიტრი ხუნდაძე - ბიძინა ივანიშვილის პოლიტიკაში დაბრუნება გარანტირებულ მშვიდობას, სტაბილურობას და წინსვლას ნიშნავს
„ხალხის ძალამ“ ქვეყნის სასიკეთოდ, კიდევ უფრო მეტი ძალა იგრძნო და დარწმუნებული ვარ, სიმართლის თქმას მეტი ზურგი ექნება, - ასე გამოეხმაურა, ბიძინა ივანიშვილის პოლიტიკაში დაბრუნებას „ხალხის ძალის“ ერთ-ერთი ლიდერი დიმიტრი ხუნდაძე.
ხუნდაძის თქმით, ბიძინა ივანიშვილი სამშობლოს სიყვარულთან, ღირსებასთან, წარმატებასთან და გამარჯვებასთან ასოცირდება.
„მივესალმები ბატონი ბიძინა ივანიშვილის პოლიტიკაში დაბრუნებას. ეს გარანტირებულ მშვიდობას, სტაბილურობას და წინსვლას ნიშნავს.
„ხალხის ძალამ“ ქვეყნის სასიკეთოდ კიდევ უფრო მეტი ძალა იგრძნო და დარწმუნებული ვარ, სიმართლის თქმას მეტი ზურგი ექნება.
ბიძინა ივანიშვილი ყოველთვის სამშობლოს სიყვარულთან, ღირსებასთან, წარმატებასთან და გამარჯვებასთან ასოცირდებოდა. ასე იყო აქამდე და ასე იქნება ახლაც. 2012 წლის შემდეგ ჩვენ ყველა სამშობლოს მხარეს ვდგავართ!“- წერს ხუნდაძე, რომლის კომენტარსაც „ხალხის ძალა“ ავრცელებს.
v-if="article.gallery" v-html="article.gallery"
