სამხრეთ კორეის პოლიციამ სტუდენტები დააკავა, რომლებიც პრეზიდენტის ოფისში შესვლას ცდილობდნენ.

ამის შესახებ ინფორმაციას სამხრეთკორეული გამოცემა Yonhap-ი ავრცელებს.

ადგილობრივი მედიის ცნობით, კორეის უნივერსიტეტის პროგრესული კავშირის წევრი 20 აქტივისტი სტუდენტი პოლიციამ იმ დროს დააკავა, როცა ისინი პრეზიდენტის ოფისის შენობაში შეღწევას ცდილობდნენ.

პრეზიდენტის ოფისში შესვლის მცდელობამდე სტუდენტებმა შენობის წინ საპროტესტო აქცია მოაწყვეს და პირველი ლედის, კიმ კიონ ჰიის წინააღმდეგ გამოძიების ჩატარებას მოითხოვდნენ.

სტუდენტების ზუსტი მოტივის დასადგენად პოლიცია შემთხვევას იძიებს.