ისრაელის თავდაცვის ძალების ცნობით, გასული 24 საათის განმავლობაში, მათმა ჯარებმა ღაზის სამხრეთში მდებარე ქალაქ ხან-იუნისში შეაღწიეს და 40 ტერორისტის ლიკვიდაცია განახორციელეს.

თავდაცვის ძალების პრესსპიკერის, ავიჩაი ადრეის განცხადებით, ქალაქში სხვადასხვა საბრძოლო საშუალება და მნიშვნელოვანი გვირაბის შესასვლელები აღმოაჩინეს.

ამასთან, მისივე ინფორმაციით, ღაზის ცენტრალური ნაწილის მაღაზის რაიონში, ისრაელის თავდაცვის ძალებმა დივერსანტების ჯგუფი გაანადგურა. ზღვიდან კი, ისრაელის სამხედრო-საზღვაო ძალები თავს დაესხნენ სამხედრო ობიექტებს, საწყობებსა და სამხედრო-საზღვაო მანქანებს, რომლებსაც „ჰამასი“ ღაზაში იყენებდა.