ირანის ქალაქ ქერმანში მომხდარ თავდასხმასთან კავშირში მყოფი 35 პირი დააკავეს, - ამის შესახებ ინფორმაციას ადგილობრივი მედია ავრცელებს.

ირანის სადაზვერვო სამსახურმა განაცხადა, რომ ეჭვმიტანილები ქვეყნის რამდენიმე პროვინციაში დააკავეს.

შეგახსენებთ, რომ ირანში, 3 იანვარს მომხდარ თავდასხმაზე პასუხისმგებლობა ე.წ. ისლამურმა სახელმწიფომ აიღო.

ირანული მედიის ცნობით, ორი თვითმკვლელი ტერორისტიდან ერთ-ერთი ტაჯიკეთის მოქალაქეა, რომელიც ირანში არალეგალურად 19 დეკემბერს შევიდა.