ნათია თურნავა Euromoney-ის ცენტრალური და აღმოსავლეთ ევროპის ყოველწლიურ ფორუმში მონაწილეობს

საქართველოს ეროვნული ბანკის პრეზიდენტის მოვალეობის შემსრულებელი, ნათია თურნავა Euromoney-ის ცენტრალური და აღმოსავლეთ ევროპის ყოველწლიურ ფორუმში მონაწილეობს.

როგორც ეროვნული ბანკის მიერ გავრცელებულ ინფორმაციაშია ნათქვამი, ფორუმი ორი დღის განმავლობაში თავს მოუყრის ფინანსური ბაზრების წარმომადგენლებს, ინვესტორებს, ცენტრალური ბანკების მმართველებსა და პოლიტიკოსებს 45-ზე მეტი ქვეყნიდან.

მათივე ცნობით, ფორუმის ფარგლებში ნათია თურნავამ და ფინანსთა მინისტრის მოადგილე მირზა გელაშვილმა შეხვედრა გამართეს საერთაშორისო ინვესტორებთან.

შეხვედრაში ასევე მონაწილეობდნენ ეროვნული ბანკის ფასიანი ქაღალდების ბაზრის ზედამხედველობისა და ფინანსური ბაზრების დეპარტამენტების წარმომადგენლები. სებ-ის ინფორმაციით, შეხვედრაზე ნათია თურნავამ და ფინანსთა მინისტრის მოადგილე მირზა გელაშვილმა საერთაშორისო ინვესტორებს საქართველოს ფინანსური და მაკროეკონომიკური გარემოს შესახებ პრეზენტაცია წარუდგინეს.

პრეზენტაციისას ნათია თურნავამ ინვესტორებს მონეტარული პოლიტიკის მიმართულებით განხორციელებული ღონისძიებები და მიღწეული შედეგები გააცნო, ასევე ისაუბრა ბოლო თვეებში ინფლაციის დონის შემცირებაზე. ამასთან, მან ასევე ხაზი გაუსვა საქართველოს ფინანსური და საბანკო სექტორის სტაბილურობასა და სიმყარეს.

„საკმაოდ წარმომადგენლობითი და ნაყოფიერი შეხვედრა გვქონდა საერთაშორისო ინვესტორებთან, რაც კიდევ ერთხელ უსვამს ხაზს მათი მხრიდან საქართველოთი დაინტერესებას. რეგიონში არსებული გეოპოლიტიკური გამოწვევების მიუხედავად, საქართველო დღეს მყარად ინარჩუნებს წამყვან პოზიციებს მაკროეკონომიკური სტაბილურობის შენარჩუნების და ინფლაციის შემცირების თვალსაზრისით, რაც ერთგვარად ზრდის ინვესტორთა მხრიდან ინტერესს“, - აღნიშნა ნათია თურნავამ.

შეხვედრა კითხვა-პასუხის რეჟიმში წარიმართა.

შეხვედრას ესწრებოდნენ ისეთი ცნობილი კომპანიებსა და საინვესტიციო ორგანიზაციების წარმომადგენლები, როგორებიც არიან Artisan Partners, Fim Partners, Union Investment, AllianzGI, Danske Bank და სხვა.

ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ
Gulf+ ახალი თვითმომსახურების სადგურები „გალფისგან“
კრედო ბანკსა და აზიის განვითარების ბანკს შორის აგრო მეწარმეების მხარდასაჭერად 65 მილიონი ლარის მოცულობის გარიგებას მოეწერა ხელი