ღაზაში მყოფი მძევლებისთვის განკუთვნილი მედიკამენტებით დატვირთული კატარის თვითმფრინავები ეგვიპტეში ჩავიდა, - ამის შესახებ ინფორმაციას კატარის მედია ავრცელებს.

მედიკამენტებით დატვირთული კატარის ორი სამხედრო თვითმფრინავი ეგვიპტეში, სინაის ნახევარკუნძულის ქალაქ ელ-არიშის აეროპორტში დაეშვა.

„ჰამასის“ მიერ დაკავებული მძევლებისთვის განკუთვნილ მედიკამენტებს ღაზაში მოგვიანებით გადაიტანენ.

შეგახსენებთ, კატარმა განაცხადა, რომ საფრანგეთთან ერთად, ღაზაში მყოფი მძევლებისთვის მედიკამენტების მიწოდების შესახებ ისრაელსა და „ჰამასს“ შორის შეთანხმებას მიაღწია.