ლევან დავითაშვილი დავოსში მსხვილი ჩინური ტექნოლოგიური კომპანიის Neusoft - ის ვიცე-პრეზიდენტს შეხვდა

საქართველოს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი ჩინეთის მულტინაციონალური კორპორაცია „ნეუსოფტის" (Neusoft) უფროს ვიცე-პრეზიდენტს ჩენ შიმენს შეხვდა. შეხვედრა დავოსის მსოფლიო ეკონომიკური ფორუმში საქართველოს სამთავრობო დელეგაციის მონაწილეობის ფარგლებში გაიმართა. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

მათივე ცნობით, შეხვედრაზე ვიცე-პრემიერმა ჩინური კორპორაციის წარმომადგენელს საქართველოს ეკონომიკური ტენდენციები გააცნო.

უწყების განმარტებით, განსაკუთრებული ყურადღება გამახვილდა საქართველოში ინოვაციური ეკოსისტემის განვითარების მიმართულებით გადადგმულ ნაბიჯებზე, მათ შორის, ქვეყანაში საერთაშორისო ტექნოლოგიური კომპანიების შემოყვანის მიზნით, მათთვის სპეციალური სტატუსის მინიჭებაზე, რომელიც კომპანიებს მნიშვნელოვან საგადასახადო შეღავათებს სთავაზობს (5%-იანი საშემოსავლო გადასახადი და 5%-იანი მოგების გადასახადი).

„ითქვა, რომ ამ ეტაპისთვის 100-ზე მეტი საერთაშორისო IT კომპანია ოპერირებს საქართველოში, რომლებიც საკუთარ სერვისებს საქართველოდან აწვდიან მომხმარებლებს, ამავე დროს, მათ ქვეყანაში შექმნეს ახალი სამუშაო ადგილები ადგილობრივი პერსონალისთვის.

ასევე აღინიშნა, რომ საქართველოს მთავრობა ახორციელებს ადგილობრივი IT სექტორისთვის კადრების მომზადება - გადამზადების პროგრამებს.

ვიცე-პრემიერმა „ნეუსოფტის" დელეგაცია საქართველოში მოიწვია, რათა მათ ადგილზე შეისწავლონ საქართველოს საინფორმაციო ტექნოლოგიების სექტორში არსებული ვითარება“,- ნათქვამია ინფორმაციაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას