ირაკლი ქადაგიშვილი დავოსის ფორუმზე - როცა ეკონომიკაზეა საუბარი, იქ ლაპარაკობ ეკონომიკაზე - რუსეთზე, აგრესიაზე და ოკუპაციაზე ყველაფერი ნათქვამი გვაქვს

როცა ეკონომიკაზეა საუბარი, იქ ლაპარაკობ ეკონომიკაზე - რუსეთზე, აგრესიაზე და ოკუპაციაზე ყველაფერი ნათქვამი გვაქვს, - ამის შესახებ ჟურნალისტებთან საპარლამენტო უმრავლესობის წევრმა ირაკლი ქადაგიშვილმა პრემიერ-მინისტრის დავოსში სიტყვით გამოსვლის კომენტირებისას განაცხადა.

როგორც მან აღნიშნა, დავოსის ფორუმზე ხელისუფლების მიზანია ქვეყანა საინვესტიციოდ მიმზიდველად წარმოაჩინოს.

რაც შეეხება კითხვას იმის თაობაზე, თუ რატომ არ შეხვდა პრემიერ-მინისტრი ფორუმის ფარგლებში დასავლელ ლიდერებს, ქადაგიშვილი აცხადებს, რომ ეკონომიკური ფორუმის ფარგლებში, პრემიერ-მინისტრი მნიშვნელოვანი კომპანიების წარმომადგენლებს შეხვდა.

„როცა არის ეკონომიკაზე საუბარი, იქ ლაპარაკობ ეკონომიკაზე. როცა ზოგად პოლიტიკაზე ან უსაფრთხოების საკითხებზეა საუბარი, იქ ლაპარაკობ უსაფრთხოების საკითხებზე. რასაც თქვენ ცდილობთ, ამის მიზანია დაკნინდეს პრემიერ-მინისტრი, ხელისუფლება. ეძებთ, შეუსაბამო ადგილზე რაღაცის მოძებნა გინდათ. როცა საუბარია, რომ ქვეყანა წარმოაჩინო საინვესტიციოდ მიმზიდველ ადგილად და მთავრობის მეთაური საუბრობს ეკონომიკურ მიღწევებზე, სტაბილურობა როგორია ქვეყანაში და ბიზნეს-გარემო, ხართ უკმაყოფილო,“ - განაცხადა ქადაგიშვილმა.

კითხვაზე, თვლის თუ არა საჭიროდ, რომ დავოსში პრემიერ-მინისტრს ესაუბრა გამოწვევებზე, მათ შორის, რუსეთზე, რომელზეც ფორუმის ფარგლებში სხვა ლიდერებმა ისაუბრეს, ქადაგიშვილი აცხადებს, რომ რუსეთზე ყველაფერი ნათქვამი აქვთ.

„ეს თქვენი უტრირებული საკითხები, თითქოს აბა, დაიგინე ახლა ესეა თუ არა... არ ვარ მაგ დონის კომენტარებისთვის აქ მოსული, რომ აბა, ის თქვი და ეს თქვი. ყველაფერი ნათქვამი გვაქვს რუსეთზეც და ყველაფერზე, აგრესიაზეც და ოკუპაციაზეც,“ - განაცხადა ქადაგიშვილმა.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას