ჯონ კირბი - ბაიდენმა და ნეთანიაჰუმ სატელეფონო საუბარში მძევლების გათავისუფლებისთვის ძალისხმევა და ღაზაში „მიზნობრივ ოპერაციებზე” გადასვლა განიხილეს

ბაიდენმა და ნეთანიაჰუმ სატელეფონო საუბარში მძევლების გათავისუფლებისთვის ძალისხმევა და ღაზაში „მიზნობრივ ოპერაციებზე” გადასვლა განიხილეს, - ამის შესახებ თეთრი სახლის ეროვნული უსაფრთხოების საბჭოს სპიკერმა, ჯონ კირბიმ ბრიფინგზე განაცხადა.

„ორმა ლიდერმა ასევე განიხილეს ღაზაში არსებული ვითარება და მიზნობრივ ოპერაციებზე გადასვლა, რომელიც მზარდი ჰუმანიტარული დახმარების ჩასვლას, და „ჰამასსა“ და მის ხელმძღვანელობაზე მნიშვნელოვანი სამხედრო ზეწოლის შენარჩუნებას მისცემს საშუალებას“, - განაცხადა კირბიმ.

მან აღნიშნა, რომ აშშ-ის პრეზიდენტი ჯო ბაიდენი მიესალმა ისრაელის მთავრობის გადაწყვეტილებას აშდოდში მდებარე ისრაელის პორტის გავლით დაუშვას ღაზის სექტორში ფქვილის დიდი რაოდენობით შესვლა.

კირბიმ აღნიშნა, რომ მხარეები ასევე „ცალკე მუშაობენ ღაზაში საზღვაო გზით უფრო პირდაპირი მიწოდებების ვარიანტებზე“.

სატელეფონო საუბრისას ბაიდენმა ასევე ახალი ინფორმაცია მოითხოვა გადასახადებით მიღებული ასობით მილიონი დოლარის შესახებ, რომლებსაც ისრაელი პალესტინის ეროვნულ ადმინისტრაციას არ გადასცემს.

კირბიმ აღნიშნა, რომ ეს თანხა ასევე წავა პალესტინის ეროვნული ადმინისტრაციის უსაფრთხოების ძალების ხელფასებში, რომლებთანაც ისრაელი თანამშრომლობს დასავლეთ სანაპიროზე ტერორიზმთან ბრძოლაში.

ისრაელის უსაფრთხოების კაბინეტმა კვირას უნდა გამართოს კენჭისყრა თვეების დაგვიანების შემდეგ აღნიშნული თანხების გადაცემასთან დაკავშირებით.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო