თბილისის მერიაში ფინანსური პოლიციის შესვლა არის მოჩვენებითი და ფარსია. ნებისმიერ პროექტში, რომელიც თბილისის მერიის მიერ იყო განხორციელებული - დიდი თუ პატარა, კორუფციის ნიშნები იყო, მაგრამ არასდროს არავინ არ დასჯილა,- ამის შესახებ თბილისის საკრებულოს ფრაქციის „ერთიანი ნაციონალური მოძრაობის“ წევრმა ირაკლი ეძგვერაძემ განაცხადა.

მისივე განცხადებით, „რუსული მმართველობა პირდაპირაა დაკავშირებული კორუფციასთან“.

„ჩვენ ყველამ ვნახეთ ბიძინა ივანიშვილის პოლიტიკაში დაბრუნება, მაგრამ ყველამ ვიცით, რომ ის არსად არ წასულა. მან დააანონსა ვითომ და კორუფციასთან ბრძოლა. გავიდა რამდენიმე დღე და თბილისის მერიაში შევიდა კონკრეტული საგამოძიებო უწყება მოჩვენებითად, ეს ყველაფერი არის ფარსი. ნებისმიერ პროექტში, რომელიც თბილისის მერიის მიერ იყო განხორციელებული - დიდი თუ პატარა, კორუფციის ნიშნები იყო, მაგრამ არასდროს არავინ არ დასჯილა და რუსული მმართველობა პირდაპირაა დაკავშირებული კორუფციასთან. ყველაფერს ამას 2024 წელს არჩევნებზე ქართველი ხალხი გასცემს საკადრის პასუხს და რუსულ რეჟიმს აუცილებლად დაასრულებს“, - განაცხადა ირაკლი ეძგვერაძემ, რომლის კომენტარსაც „ნაციონალური მოძრაობის“ პიარსამსახური ავრცელებს.