მოლდოვის საგარეო საქმეთა მინისტრმა, ნიკუ პოპესკუმ თანამდებობა დატოვა, - ამის შესახებ მან პრესკონფერენციაზე გამოაცხადა.

„ქვეყნის პრეზიდენტის, მაია სანდუს მიერ დასახული საგარეო პოლიტიკური მიზნების წარმატებით შესრულების შემდეგ, მე ვიცე-პრემიერისა და საგარეო საქმეთა მინისტრის თანამდებობას ვტოვებ და ამ ეტაპზე, მე პაუზა მჭირდება“, - განაცხადა ნიკუ პოპესკუმ.

პოპესკუმ აღნიშნა, რომ იგი ევროინტეგრაციის პროცესში მთავრობისა და მისი გუნდის მხარდაჭერას გააგრძელებს.

ნიკუ პოპესკუ მოლდოვის საგარეო საქმეთა სამინისტროს 2021 წლიდან ხელმძღვანელობდა.