რატი ბრეგაძე - ირაკლი კობახიძეს და ირაკლი ღარიბაშვილს წარმატებებს ვუსურვებ - მთელი გუნდი მზადყოფნაში ვართ იმისთვის, რომ ორივეს მაქსიმალურად გვერდით დავუდგეთ

ირაკლი კობახიძეს და ირაკლი ღარიბაშვილს წარმატებებს ვუსურვებ - მთელი გუნდი მზადყოფნაში ვართ იმისთვის, რომ ორივეს მაქსიმალურად გვერდით დავუდგეთ, - ამის შესახებ საქართველოს იუსტიციის მინისტრმა, რატი ბრეგაძემ ჟურნალისტებთან საუბრისას განაცხადა.

ბრეგაძის თქმით, მთავრობის მომავალ შემადგენლობაზე პრემიერ-მინისტრობის კანდიდატი, ირაკლი კობახიძე ვრცლად ისაუბრებს.

“პირველ რიგში, მინდა წარმატება ვუსურვო ირაკლი კობახიძეს ახალ პოზიციაზე. ასევე, მინდა დიდი წარმატება ვუსურვო ირაკლი ღარიბაშვილს ახალ პოზიციაზე. ეს ორივე პოზიცია არის საკმაოდ დიდი პასუხისმგებლობის და შესაბამისად, მხოლოდ და მხოლოდ წარმატებას ვუსურვებ მათ, რა თქმა უნდა, მთელი გუნდი ვართ მზადყოფნაში იმისთვის, რომ ამ ორივე ადამიანს მაქსიმალურად გვერდით დავუდგეთ.

რაც შეეხება მთავრობის შემადგენლობას, ამის შესახებ განცხადებას პრემიერ-მინისტრობის კანდიდატი, ირაკლი კობახიძე გააკეთებს. კიდევ ერთხელ ვიმეორებ, მთელი გუნდი არის სრულ მზადყოფნაში, სადაც გადაწყვეტილება {მიღებული} იქნება იქ ვიმუშაოთ”, - განაცხადა მინისტრმა.

გარდა ამისა, იუსტიციის მინისტრი მედიასთან საუბრისას მის მიერ გამოქვეყნებულ საჯარო პოსტს გამოეხმაურა და აღნიშნა, რომ მისი გადასაწყვეტია რა პოსტს გამოაქვეყნებს.

ამასთან, მან საქართველოს ყოფილ პრემიერ-მინისტრს, ირაკლი ღარიბაშვილს მეგობრობისთვის მადლობა გადაუხადა.

“რაც შეეხება ჩემს მიერ გამოქვეყნებულ პოსტს, პირველ რიგში, ჩვენ ყველა ვართ ადამიანები, მე ძალიან ვაფასებ მეგობრობას, ვინც მიცნობს ყველამ კარგად იცის, რომ ჩემთვის მნიშვნელობა არ აქვს იმას, სად იქნება ჩემი მეგობარი დასაქმებული და მე კიდევ ერთხელ ძალიან დიდი მადლობა მინდა გადავუხადო ირაკლი ღარიბაშვილს. პირველ რიგში, მეგობრობისთვის და მერე სხვა ყველაფრისთვის, რაზეც ასე ვრცლად ვისაუბრე. ეს ადამიანი არის ჩემი მეგობარი და ჩემთვის ძალიან ძვირფასი. შესაბამისად, მე მეგობარზე რას დავწერ და როგორ დავწერ, ნება მიბოძეთ და ეს არის ჩემი გადასაწყვეტი”, - განაცხადა რატი ბრეგაძემ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას