„ნაციონალურ მოძრაობაში“ აცხადებენ, რომ ჯანდაცვის სამინისტროს მიერ შემოღებული რეგულაციები ცუდად მოქმედებს პაციენტებზე და შედეგიც ხშირად სავალალოა

საქართველოს მთავრობის მიერ სხვადასხვა რეგულაციის შემოღების შედეგად, კლინიკები იძულებულები გახდნენ შეემცირებინათ რეანიმაციული საწოლების რაოდენობა, რის შედეგადაც კლინიკები დღეების განმავლობაში ვერ იღებენ პაციენტებს. ახალი რეგულაციები ცუდად მოქმედებს პაციენტებზე და ფაქტია, რომ პაციენტების მდგომარეობა უფრო მძიმდება და შედეგიც ხშირად სავალალოა, - ამის შესახებ „ერთიანი ნაციონალური მოძრაობის“ წევრმა, მზია ქედელიძემ განაცხადა.

მზია ქედელიძის განცხადებით, „საქართველოს მთავრობის მიდგომები სამედიცინო დაწესებულებების მიმართ ვერ უძლებს ვერანაირ კრიტიკას.

„სხვადასხვა რეგულაციის შემოღების შედეგად კლინიკები იძულებულები გახდნენ კატასტროფულად შეემცირებინათ რეანიმაციული საწოლების რაოდენობა, რის შედეგადაც ვეღარ ხდება შესაბამისი პაციენტების მიღება . კლინიკები დღეების განმავლობაში ვერ იღებს პაციენტებს.

კლინიკები იძულებული არიან მიიღოს პაციენტები კანონმდებლობიდან გამომდინარე ჯარიმების აცილების მიზნით და შემდეგ ეძებენ ადგილს სხვა კლინიკებში მთელი რეგიონის მასშტაბით, რაც სარისკოა ასეთი ტიპის პაციენტებისთვის ვისაც სჭირდება სასწრაფო რეანიმატოლოგიური მკურნალობა, რადგანაც კლინიკამ უნდა უზრუნველყოს მისი გადაყვანა რეანიმობილით და ამ დამძიმებული ვირუსული დაავადებების ფონზე სახელმწიფო არ და ვერ სთავაზობს ალტერნატიულ გამოსავალს გარდა ერთისა. კლინიკების დაჯარიმების და დასჯისა.

ახალი რეგულაციები ცუდად მოქმედებს პაციენტის არსებულ მდგომარეობაზე. მკურნალობა რომელზეც დამოკიდებულია პაციენტის შემდგომი სიცოცხლე და ჯანმრთელობა შეფერხებულია, რადგანაც უადგილობის გამო შეიძლება გადაყვანილი იქნას სხვა ქალაქში ან რეგიონში, მოგეხსენებათ მაშინ როდესაც პაციენტს დარღვეული აქვს სასიცოცხლო ფუნქციები, დროს გადამწყვეტი მნიშვნელობა აქვს. ფაქტია პაციენტის მდგომარეობა უფრო მძიმდება და შედეგიც ხშირად სავალალოა“, - განაცხადა მზია ქედელიძემ, რომლის კომენტარსაც „ერთიანი ნაციონალური მოძრაობის“ პრესსამსახური ავრცელებს.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას