აშშ-ის მიერ განხორციელებული საჰაერო იერიშები ერაყისა და სირიის სუვერენიტეტს არღვევს, - ამის შესახებ ირანის საგარეო საქმეთა სამინისტროს სპიკერმა, ნასერ ქანაანმა განაცხადა.

„აშშ-ის თავდასხმები მორიგ ავანტიურულ და სტრატეგიულ შეცდომას წარმოადგენს, რომელიც რეგიონში დაძაბულობისა და არასტაბილურობის გაზრდას გამოიწვევს“, - განაცხადა ნასერ ქანაანმა.

ირანის საგარეო საქმეთა სამინისტროს სპიკერმა გაერო-ს უშიშროების საბჭოს მოუწოდა, რომ რეგიონში აშშ-ის უკანონო და ცალმხრივი თავდასხმები აღკვეთოს.

„ახლო აღმოსავლეთში დაძაბულობისა და კრიზისის ძირითადი გამომწვევი მიზეზი აშშ-ის უსაზღვრო მხარდაჭერით ისრაელის მიერ პალესტინელების ოკუპაცია და გენოციდია“, - აღნიშნა ირანის საგარეო საქმეთა სამინისტროს სპიკერმა.

შეგახსენებთ, დღეს, იორდანიაში აშშ-ის სამხედრო ბაზაზე განხორციელებული თავდასხმის საპასუხოდ, აშშ-მა ერაყსა და სირიაში ირანის მიერ მხარდაჭერილი დაჯგუფებების ობიექტებზე საჰაერო დარტყმები განახორციელა.