თბილისის საქალაქო სასამართლოში კეკელიძის ქუჩაზე გამოსახლების საწინააღმდეგო აქციაზე დაკავებული გიორგი ხასაიას და აკაკი ჩიქობავას სასამართლო პროცესი იმართება.
როგორც „ინტერპრესნიუსს“ ბრალდებულების ადვოკატმა გური იმნაძემ განუცხადა, პროკურატურამ პროცესზე ახალი შუამდგომლობა უნდა დააყენოს. თუმცა, ადვოკატს არ დაუკონკრეტებია, რა შუამდგომლობას აყენებს ბრალდების მხარე.
ცნობისთვის, ხასაიასა და ჩიქობავას აღკვეთის ღონისძიების სახით პატიმრობა 25 იანვარს შეეფარდათ.
ამასთან, გუშინ, სააპელაციო სასამართლომ თბილისში, კეკელიძის ქუჩაზე გამოსახლების საწინააღმდეგო აქციაზე დაკავებული გიორგი ხასაია და აკაკი ჩიქობავა კვლავ პატიმრობაში დატოვა.
ბრალდება დაკავებულებს სისხლის სამართლის კოდექსის 187-ე მუხლით გათვალისწინებულ დანაშაულს ედავება, რაც ჯგუფურად ნივთის დაზიანებას ან განადგურებას გულისხმობს.