გიორგი ხასაიასა და აკაკი ჩიქობავას საქმის პროკურორი - ბრალდებულებმა აღიარეს ჩადენილი ქმედება, ასევე სრულად აანაზღაურეს ზიანი, შესაბამისად, პატიმრობა აღარ წარმოადგენდა აუცილებელ აღკვეთ ღონისძიებას

კეკელიძის ქუჩაზე გამოსახლების საწინააღმდეგო აქციაზე დაკავებული გიორგი ხასაიასა და აკაკი ჩიქობავას საქმის პროკურორის ლევან ვეფხვაძის განცხადებით, ბრალდებულებმა აღიარეს ჩადენილი ქმედება, ასევე სრულად აანაზღაურეს ზიანი, შესაბამისად, პატიმრობა აღარ წარმოადგენდა აუცილებელ აღკვეთ ღონისძიებას.

აღნიშნულის შესახებ ვეფხვაძემ სასამართლო პროცესის დასრულების შემდეგ განაცხადა, სადაც მოსამართლის გადაწყვეტილებით, გიორგი ხასაიასა და აკაკი ჩიქობავას აღკვეთის ღონისძიების სახით 3000-3000 ლარიანი გირაო შეეფარდათ.

„მოცემულ შემთხვევაში ბრალდებულებმა აღიარეს ჩადენილი დანაშაულებრივი ქმედება, ასევე, მათ სრულად აანაზღაურეს მიყენებული ზიანი, შესაბამისად, ბრალდების მხარემ განიხილა, რომ პატიმრობა აღარ წარმოადგენდა აუცილებელ აღკვეთის ღონისძიებას, მიმართა სასამართლოს გირაოს გამოყენების მოთხოვნით. ბრალდების მხარემ მოითხოვა 5000 ლარიანი გირაო, ხოლო სასამართლომ ნაწილობრივ დააკმაყოფილა და შეუფარდა 3000 ლარი. მიგვაჩნია, რომ გირაოს გამოყენების სტანდარტი არსებობდა, ვინაიდან ის საფრთხეები კვლავ არსებობს, უბრალოდ, აღარ არსებობდა პატიმრობის გამოყენების საფუძველი“, - განაცხადა ლევან ვეფხვაძემ.

ცნობისთვის, ხასაიასა და ჩიქობავას აღკვეთის ღონისძიების სახით პატიმრობა 25 იანვარს შეეფარდათ. ამასთან, გუშინ, სააპელაციო სასამართლომ თბილისში, კეკელიძის ქუჩაზე გამოსახლების საწინააღმდეგო აქციაზე დაკავებული გიორგი ხასაია და აკაკი ჩიქობავა კვლავ პატიმრობაში დატოვა. ბრალდება დაკავებულებს სისხლის სამართლის კოდექსის 187-ე მუხლით გათვალისწინებულ დანაშაულს ედავება, რაც ჯგუფურად ნივთის დაზიანებას ან განადგურებას გულისხმობს.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას