ინფლუენსერებისთვის, სავარაუდოდ, კონკრეტული წესები შემოვა

ინფლუენსერებს, სავარაუდოდ, წესების დაცვა მოუწევთ - შესაძლოა, სავალდებულო გახდეს ვიდეოში წარწერის სახით მითითება, რომ კონკრეტული საქონლის ან მომსახურების შესახებ ვიდეოს განთავსებისთვის კომპანიამ ინფლუენსერს თანხა გადაუხადა.

აღნიშნული სფეროს რეგულირებისთვის მუშაობის დაწყებას საქართველოს კონკურენციისა და მომხმარებლის დაცვის სააგენტო მიმდინარე წელს გეგმავს, შესაბამისი სახელმძღვანელო დოკუმენტი კი მზად 2025 უნდა წლისთვის უნდა იყოს.

კიდევ რა პირობები დაწესდება ინფლუენსერების საქმიანობისთვის, ჯერჯერობით უცნობია, თუმცა როგორც სააგენტოში „ინტერპრესნიუსს“ განუცხადეს, „მთავარია გამჭვირვალობა, რადგან მომხმარებელმა უნდა იცოდეს, რომ კონკრეტული საქონლის ან მომსახურების შესახებ ვიდეოს განთავსებისთვის კომპანიამ ინფლუენსერს თანხა გადაუხადა“.

„არსებული მდგომარეობით, არ არსებობს ინფლუენსერების საქმიანობის მარეგულირებელი კანონმდებლობა. თუმცა, 2024 წლის განმავლობაში, სააგენტო გეგმავს სახელმძღვანელო დოკუმენტზე მუშაობის დაწყებას, რომელიც მზად იქნება 2025 წლისთვის. აღნიშნული დოკუმენტი განსაზღვრავს იმ ძირითად წესებს და პირობებს, რაც ინფლუენსერმა უნდა დაიცვას საქონლის ან მომსახურების რეკლამირებისას. აღსანიშნავია, რომ ინფლუენსერების საქმიანობის შესახებ სახელმძღვანელო დოკუმენტზე მუშაობისას კონკურენციისა და მომხმარებლის დაცვის სააგენტო აქტიურად გაიზიარებს ევროკავშირის დახმარების პროექტის (Twinning) საერთაშორისო ექსპერტების, ლიეტუველი და პოლონელი კოლეგების და მომხმარებლის დაცვის და აღსრულების საერთაშორისო ქსელის (ICPEN) ექსპერტების გამოცდილებას“, - აცხადებენ კონკურენციის ეროვნულ სააგენტოში.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა