„მედიახმა“ კვლევას სახელწოდებით „მედიაგარემო 2023: გამოწვევები პოლიტიკური პოლარიზაციისა და კრიზისების დროს საქართველოში“, მედიის, არასამთავრობო სექტორისა და აკადემიის წარმომადგენლებს 6 თებერვალს წარუდგენს

„მედიახმა“ კვლევას სახელწოდებით “მედიაგარემო 2023: გამოწვევები პოლიტიკური პოლარიზაციისა და კრიზისების დროს საქართველოში“, მედიის, არასამთავრობო სექტორისა და აკადემიის წარმომადგენლებს 6 თებერვალს წარუდგენს.

მათივე ცნობით, კვლევა, რომელიც ორი უმაღლესი სასწავლებლის პროფესორების ჩართულობით მომზადდა, გამოკვეთს, თუ როგორ მოქმედებს პოლიტიკური პოლარიზაცია მედიაზე, ჟურნალისტების საქმიანობაზე, პროდუქტის ხარისხსა და მედიის სანდოობაზე.

„კვლევაში გაანალიზებულია, თუ როგორ ახერხებს მედია ინსტიტუციური სიცოცხლისუნარიანობის შენარჩუნებას (მაგ: ფინანსურ მდგრადობას, კონტენტის წარმოების უწყვეტობას, წყაროებთან ხელმისაწვდომობას) პოლიტიკური პოლარიზაციის კონტექსტში. ამ პროცესში შეფასებულია, თუ რა ხელისშემშლელი და მხარდამჭერი მექანიზმები არსებობს მედიაში სხვადასხვა აქტორის (მათ შორის მმართველი პარტიისა და სხვა პოლიტიკური პარტების, სამოქალაქო სექტორისა და აუდიტორიის) მხრიდან.

კვლევა გამოკვეთს, პოლიტიკური პოლარიზების პირობებში, როგორ უმკლავდება მედია რუსული დეზინფორმაციის გამოწვევებს. კვლევის ერთ-ერთი ასპექტი არის - გააანალიზოს მედიაგარემოს როლისა და ტრანსფორმაციის პროცესი საქართველოს ევროპული ინტეგრაციის კონტექსტში.

მედიაგარემოზე დაკვირვება მოხდა თვრამეტი მედიასაშუალების ოცი წარმომადგენლის შეფასებაზე დაყრდნობით და შემდგომი შედარებითი ანალიზით.

კვლევაზე დაყრდნობით შემუშავდა რეკომენდაციები პოლარიზაციისა და რუსული დეზონფორმაციის შემცირებისთვის, ჟურნალისტების უსაფრთხოებისა და მედიისადმი სოლიდარობის გაძლიერებისთვის და სხვ.

კვლევის ავტორები არიან თბილისის სახელმწიფო უნივერსიტეტისა და საქართველოს უნივერსიტეტის პროფესორები.

პრეზენტაციას გახსნის გერმანიის ელჩი საქართველოში ერნსტ-პეტერ ფიშერი.

კვლევა მომზადდა ფრიდრიხ ნაუმანის ფონდი თავისუფლებისთვის - სამხრეთ კავკასიის ბიუროს მხარდაჭერით.“- ნათქვამია ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!