დიმიტრი ცქიტიშვილი - თუ ამომრჩეველი პარტიების გაერთიანებაში ლოგიკას ვერ ხედავს, შეიძლება პოლიტიკურ ძალებს საერთოდ ზურგი აქციოს - დღევანდელი ოპოზიციის ერთად ყოფნა არის დამაზიანებელი, ერთმანეთსვე დააზიანებენ

ამომრჩეველი თუ პარტიების გაერთიანებაში ლოგიკას ვერ ხედავს, შეიძლება მან საერთოდ ზურგი შეაქციოს [პარტიებს]. დღეს ისეთი ჭრელი და მრავალფეროვანია ოპოზიციური სპექტრი, რომ მათი ერთად ყოფნა არის დამაზიანებელი, ერთმანეთსვე დააზიანებენ, - ამის შესახებ „პროგრესული ფორუმის“ თავმჯდომარემ, „ქართული ოცნების“ ყოფილმა წევრმა დიმიტრი ცქიტიშვილმა „პალიტრანიუსის“ გადაცემა „დღის ნიუსრუმში“ განაცხადა.

როგორც ცქიტიშვილმა აღნიშნა, მექანიკური გაერთიანება იმ მიზნით, რომ „ყველა ერთად ვიყოთ“, სიტუაციას ვერ შეცვლის.

„ამომრჩეველი თუ პარტიების გაერთიანებაში ლოგიკას ვერ ხედავს, შეიძლება მან საერთოდ ზურგი შეაქციოს. დღეს ისეთი ჭრელია და მრავალფეროვანია ოპოზიციური სპექტრი, რომ მათი ერთად ყოფნა არის დამაზიანებელი, ერთმანეთსვე დააზიანებენ. ამიტომაც, თუ იქნება მექანიკური გაერთიანდება, უბრალოდ, „ყველა ერთად ვიყოთ“ , ჩემი აზრით, ეს სიტუაციას ვერ შეცვლის და მეტიც, გაამყარებს იმ სტრატეგიას, რომელიც საარჩევნოდ არჩეული აქვს „ქართულ ოცნებას“, რომ ყველა „ნაციონალური მოძრაობის“ წევრია“, - განაცხადა დიმიტრი ცქიტიშვილმა.

რაც შეეხება იმას, თუ რამდენად აქვს შანსი კონფიგურაციას შემდეგი შემადგენლობით: ნიკა გვარამია, ნიკა მელია, ელენე ხოშტარია, ზურა ჯაფარიძე, ცალკეული ოპოზიციონერი პოლიტიკოსები: რომან გოცირიძე, ხატია დეკანოიძე და პარტია „ლელო“, დიმიტრი ცქიტიშვილის მოსაზრებით, ამ კონფიგურაციამ შესაძლოა, გაამართლოს იმისთვის, რომ გადალახოს 5%-იანი ბარიერი, თუმცა ეს კონფიგურაცია პირველ ადგილზე გამსვლელი კონფიგურაცია არ არის.

„პირველ ადგილზე, ვფიქრობ, რომ უალტერნატივოდ, ნებისმიერ შემთხვევაში გავა „ქართული ოცნება“ იმიტომ, რომ ის ყველაზე ძლიერი პარტიული ორგანიზაციაა. მას აქვს ყველაზე მეტი ადმინისტრაციული, მატერიალური რესურსი ამ ეტაპზე. გინდა, არ გინდა, უნდა ვაღიაროთ, რომ მათი ეს 25%, თუ 30% აქვთ, მოსახლეობაში რეალურად მათ წინააღმდეგ განწყობა არ არის, მაგრამ ერთია, გავა თუ არა ის პირველ ადგილზე და მეორეა, რამდენად შეძლებს უმრავლესობის დაკომპლექტებას იმ ხმებით,რომელსაც მიიღებს“, - განაცხადა დიმიტრი ცქიტიშვილმა.

ამასთან, მან ისაუბრა „ქართული ოცნების“ პრეზიდენტისადმი დამოკიდებულებაზე. ცქიტიშვილის მოსაზრებით, უკვე გადაწყვეტილს ჰგავს ის, რომ „ქართული ოცნების“ პიარ-ტაქტიკაში ზის, კონკრეტულად სალომე ზურაბიშვილი მაქსიმალურად აფილირებული გახადონ ყოფილ მმართველ პარტიასთან, „ნაციონალური მოძრაობასთან“.

„ეს ამოცანა გარკვეულწილად მნიშვნელოვანია იმისთვის, რომ მისი პოლიტიკური დისკრედიტაცია მოხდეს შემდეგი ეტაპისთვის, თუ ასეთი გეგმა იქნება. ყოველ შემთხვევაში ვფიქრობ, რომ „ქართული ოცნება“ ასეთ საფრთხეს ხედავს მასში, რომ ეს მზარდი პოპულარობა, შესაძლოა, საარჩევნო პროცესისკენ იყოს წარმართული. ამიტომ, მათ სჭირდებათ ის, რომ არ არსებობდეს მესამე, მეოთხე, მეხუთე ძალა, არსებობდეს „ქართული ოცნება“ და მათი კონკურენტი, მხოლოდ „ნაციონალური მოძრაობა“ იყოს და ნებისმიერი აფილირებული იყოს „ნაციონალურ მოძრაობასთან“. ამ შემთხვევაში არამარტო გამარჯვების, არამედ პარლამენტში მყარი უმრავლესობის მოპოვების შანსები ეძლევათ“, - განაცხადა დიმიტრი ცქიტიშვილმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ