ირაკლი კობახიძე - ყველა საქმე, რომელზეც ძალიან სერიოზული პოლიტიკური სპეკულაციები იყო აგორებული და სტრასბურგში გაიგზავნა, მოიგო სახელმწიფომ

საქართველოს პრემიერ-მინისტრობის კანდიდატის, ირაკლი კობახიძის განცხადებით, ყველა საქმე, რომელთან დაკავშირებითაც „ძალიან სერიოზული პოლიტიკური სპეკულაციები იყო აგორებული“ და სტრასბურგის სასამართლოში გაიგზავნა, სახელმწიფომ მოიგო.

ასე უპასუხა მან პარლამენტში, ოპოზიციურ ფრაქციებთან შეხვედრაზე დასმულ შეკითხვას, რამდენად შეიძლება არსებულმა სასამართლომ ადამიანები გაასამართლოს.

ირაკლი კობახიძემ მოგებული საქმეების მაგალითად დაასახელა მიხეილ სააკაშვილის, ნიკა მელიას, გიგი უგულავას, „რუსთავი 2“-ის საქმე და შსს-თან დაკავშირებული საქმეები.

„მინდა ფაქტები შეგახსენოთ: არაერთი საქმე გაიგზავნა სტრასბურგის სასამართლოში, მათ შორის საქმე ეხება ისეთ საკითხებს, რომელთა დაკავშირებითაც ძალიან სერიოზული პოლიტიკური სპეკულაციები იყო აგორებული, ეს არის სააკაშვილის, მელიას, უგულავას, „რუსთავი 2“-ის საქმე, შსს-თან დაკავშირებული საქმეები, რომელიც შეკრებას ეხებოდა და ა.შ. ყველა ეს საქმე სახელმწიფომ მოიგო. სააკაშვილის საქმე სახელმწიფომ მოიგო, მელიას საქმე მოიგო სახელმწიფომ, უგულავას, „რუსთავი 2“-ის საქმე და შეკრებასთან დაკავშირებული საქმეები მოიგო სახელმწიფომ. ყველა საქმე, რომელზეც პოლიტიკური სპეკულაციები იყო, სახელმწიფომ მოიგო. აქედან გამომდინარე, მარტო ეს ფაქტიც მეტყველებს იმაზე, რომ ამ სასამართლოს აქვს ყველანაირი სამართლებრივი და მორალური უფლება, გაასამართლოს დამნაშავეები“, - განაცხადა კობახიძემ.

გარდა ამისა, პრემიერობის კანდიდატმა აღნიშნა ისიც, რომ სასამართლოში საქმეების გაჭიანურება არის მთავარი გამოწვევა, რომელიც სასამართლო სისტემას აქვს.

„აქცენტი კეთდება ხოლმე არა ამ გამოწვევაზე, არამედ სხვა საკითხებზე. მაქსიმალურად უნდა ვიმუშაოთ იმისთვის, რომ სასამართლოში არსებული ეს საკითხი გადაიჭრას ისე, რომ საქმეთა განხილვა სათანადო ვადებში მოხდეს და არა გაჭიანურებით. ამ პრობლემას სასამართლო სისტემა თავად აღიარებს. ეს სტატისტიკითაც დასტურდება, მთავარია, ეს პრობლემა გადაიჭრას. ამაზე მუშაობა არის საჭირო, მათ შორის სასამართლო ხელისუფლების წარმომადგენლებთან ერთად“, - განაცხადა კობახიძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!