იაგო ხვიჩია - ვფიქრობ, სალომე ზურაბიშვილი ნელ-ნელა ეცდება, რომ ქართული პოლიტიკიდან გავიდეს და ვადის ამოწურვასთან ერთად დაგვემშვიდობოს

ვფიქრობ, სალომე ზურაბიშვილი ნელ-ნელა ეცდება, რომ ქართული პოლიტიკიდან გავიდეს და ვადის ამოწურვასთან ერთად დაგვემშვიდობოს, - ამის შესახებ "გირჩის" დეპუტატმა, იაგო ხვიჩიამ ჟურნალისტებთან საუბრისას განაცხადა.

მისივე თქმით, საქართველოს პრეზიდენტი მთავრობის ახალი შემადგენლობის შესახებ დოკუმენტს ხელს მოაწერს, რადგან მისივე ვარაუდით, სალომე ზურაბიშვილს სიტუაციის გამწვავება არ ენდომება.

„ჩემი აზრით, მოაწერს ხელს. არ გაამწვავებს [ვითარებას]. მგონია, სალომე ზურაბიშვილი ნელ-ნელა ეცდება, რომ ქართული პოლიტიკიდან გავიდეს და ვადის ამოწურვასთან ერთად დაგვემშვიდობოს. აქედან გამომდინარე, მეეჭვება, რომ ახლა ამის გამწვავება რაღაცნაირად მოუნდეს ქალბატონ სალომეს", - აღნიშნა ხვიჩიამ.

როგორც ოპოზიციონერი პოლიტიკოსი აღნიშნავს, სალომე ზურაბიშვილს არავისთვის არანაირი საფუძველი არ მიუცია იმის ფიქრისა, რომ შესაძლოა, ის საპრეზიდენტო ვადის ამოწურვამდე ოპოზიციას შეუერთდეს.

ხვიჩიას თქმით, ზურაბიშვილი „ქართული ოცნების“ სპექტაკლებში „ძალიან დიდი სიამოვნებით მონაწილეობს“.

„ტყუილად აბრალებენ ყველაფერს - ბატონ ბიძინას და "ქართული ოცნების" ორგულობას. მე არ დამრჩენია ასეთი შთაბეჭდილება, პირიქით, ქალბატონი სალომე ბატონი ბიძინას ძალიან კარგი თანამებრძოლია. შეიძლება ქართველ ხალხს ჰქონდეს სასაყვედურო ქალბატონ სალომესთან, მაგრამ ბატონ ბიძინას მეეჭვება რამე ჰქონდეს, იმიტომ რომ ძალიან დიდი სიამოვნებით მონაწილეობს ის "ქართული ოცნების" სპექტაკლებში ყოველგვარი გაპროტესტების გარეშე," - აღნიშნა ხვიჩიამ.

მან ასევე პრეზიდენტის ინიციატივაზე - "ერთობის პლატფორმა ევროპისთვის" ისაუბრა და პოლიტიკოსებს მოუწოდა, "ამ ყველაფერს გულთან ახლოს ნუ მიიტანენ, რადგან ბოლოს მაინც იმედგაცრუებულები დარჩებიან".

"აქ ვინც მონაწილეობს იმას ვურჩევდი, რომ ძალიან სერიოზულად ნუ მიიღებენ ამ ყველაფერს, გულთან ნუ მიიტანენ, იმიტომ რომ ბოლოს მაინც იმედგაცრუებულები დარჩებიან. ქალბატონ სალომეს არაფრის გაკეთება არ უნდა, მას უნდა უბრალოდ ყველაფრის იმიტაცია, რომ თითქოს მონაწილეობს პოლიტიკურ პროცესებში," - განაცხადა ხვიჩიამ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!