ერაყის ერთობლივი ოპერატიული სარდლობა - აშშ-ის მიერ ბაღდადში განხორციელებული თავდასხმა ერაყსა და აშშ-ს შორის ყველა სახის ურთიერთგაგებას ძირს უთხრის

ერაყი აშშ-ის მიერ ბაღდადში განხორციელებულ საჰაერო თავდასხმას ეხმაურება, რომლის შედეგადაც პროირანული დაჯგუფების, „კატაიბ ჰეზბოლას“ მეთაური დაიღუპა და აცხადებს, რომ ეს ნაბიჯი ერაყსა და აშშ-ს შორის ყველა სახის ურთიერთგაგებას ძირს უთხრის.

ერაყის ერთობლივი ოპერაციების სარდლობის პრესსპიკერმა, თაჰსინ ალ ხაფაჯმა განცხადება გაავრცელა, სადაც თავდასხმა აშშ-ის ახალ აგრესიად არის შეფასებული და აღნიშნულია, რომ ეს ნაბიჯი ერაყსა და აშშ-ს შორის ყველა სახის ურთიერთგაგებას ძირს უთხრის.

ერაყის ერთობლივი ოპერაციების სარდლობის პრესსპიკერის მტკიცებით, აშშ-ის მიერ განხორციელებული საჰაერო თავდასხმა ერაყის სუვერენიტეტის დარღვევაა. შეგახსენებთ, აშშ-ის ცენტრალურ სარდლობაში განაცხადეს, რომ აშშ-ის დარტყმის შედეგად ერაყის დედაქალაქ ბაღდადში „კატაიბ ჰეზბოლას“ მეთაური მოკლეს, რომელიც პასუხისმგებელი იყო რეგიონში ამერიკულ ძალებზე თავდასხმებზე.

ვისამ მუჰამედ საბერ ალ-საედის ლიკვიდაციის ფაქტი „კატაიბ ჰეზბოლამაც“ დაადასტურა.

„ვისამ მუჰამედ საბერ ალ-საედის სიკვდილი მოგვიწოდებს, შევინარჩუნოთ სიმტკიცე ჯიჰადისტურ მიდგომაში“, - აღნიშნულია დაჯგუფების განცხადებაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის