კახა კალაძე - ოპოზიცია ყველაფერს აპროტესტებს და ჩვენ გვესმის მათი დამოკიდებულება, მაგრამ გვაქვს იმის შესაძლებლობა, რომ გარკვეული ცვლილებები მივიღოთ
ოპოზიცია ყველაფერს აპროტესტებს და ჩვენ გვესმის მათი დამოკიდებულება, მაგრამ გვაქვს იმის შესაძლებლობა, რომ გარკვეული ცვლილებები მივიღოთ,- ამის შესახებ „ქართლი ოცნების“ გენერალურმა მდივანმა კახა კალაძემ საარჩევნო ცვლილებათა პაკეტთან დაკავშირებით ოპოზიციური პარტიების კრიტიკასთან დაკავშირებით განაცხადა.
კალაძე დარწმუნებულია, რომ ცვლილებები, რომლებიც მათ შორის საარჩევნო კოდექსთან დაკავშირებით ხორციელდება, კეთდება უკეთესი ხვალინდელი დღისთვის.
„ოპოზიცია ყველაფერს აპროტესტებს და ჩვენ გვესმის მათი დამოკიდებულება, მაგრამ გვაქვს იმის შესაძლებლობა, რომ გარკვეული ცვლილებები მივიღოთ. ცვლილებები, რა თქმა უნდა, კეთდება იმისთვის, რომ იყოს უკეთესობა ხვალინდელი დღე, იყოს კიდევ უფრო წარმატებული და შესაბამისად, ყველაფერი გაკეთდება ამ მიმართულებით“,- განაცხადა კალაძემ.
რაც შეეხება არჩევნებში ემიგრანტების ჩართულობის საკითხს, კალაძემ ამ შემთხვევაშიც აღნიშნა, რომ იქნება მიღებული გადაწყვეტილებები, სადაც პრიორიტეტი ქვეყნის ინტერესებს მიენიჭება.
„ყოველთვის იქნება ისეთი გადაწყვეტილება მიღებული, სადაც, პირველ რიგში, იქნება ქვეყნის ინტერესი და ამ ქვეყნის მომავალი გათვალისწინებული“,- განაცხადა კალაძემ.
