სასამართლო რუსთავში ე.წ. სტამბოლის ბაზარში ოთხი პირის მკვლელობაში ბრალდებულისა და მისი ძმისთვის აღკვეთის ღონისძიების შეფარდებაზე მსჯელობს

რუსთავის საქალაქო სასამართლოში, რუსთავში, ე.წ. სტამბოლის ბაზარში ოთხი პირის მკვლელობისა და ერთი ადამიანის დაჭრის საქმეზე ბრალდებულის, გიორგი ორველაშვილის და მისი ძმის, გოგიტა ორველაშვილის სასამართლო პროცესი მიმდინარეობს.

დღეს რუსთავის საქალაქო სასამართლო დაკავებულებისთვის აღკვეთის ღონისძიების შეფარდებაზე იმსჯელებს.

გიორგი ორველაშვილის ადვოკატის, ელდარ გვალიას განცხადებით, მისი დაცვის ქვეშ მყოფი არაფერს ამბობს, ჩაკეტილია და უცნაურად იქცევა.

„მკვლელობის მოტივზე გიორგი ორველაშვილი არაფერს ამბობს. ის არის ჩაკეტილი და რაღაც უცნაურად იქცევა.

რაც შეეხება მის ჯანმრთელობის მდგომარეობას, როგორც მოგეხსენებათ, მე ადვოკატი ვარ და არ ვარ კომპეტენტური, რომ განვსაზღვრო რამდენად ძალადობრივია გიორგი ორველაშვილი, თუნდაც ფსიქიკურად, ამისთვის არსებობს გამოძიება, რომელსაც აქვს ვალდებულება დანიშნოს სასამართლო ფსიქიატრიული ექსპერტიზა და დაველოდებით დასკვნას და იმის შემდეგ მიიღებს გადაწყვეტილებას სასამართლო, თუ შეურაცხადია გიორგი, მაშინ მის მიმართ დევნას შეწყვეტენ და გაამწესებენ შესაბამის სამკურნალო ფსიქიატრიულ დაწესებულებაში“, - განაცხადა ელდარ გვალიამ.

ამასთან, გოგიტა ორველაშვილის ადვოკატმა, ლევან დოსმიშვილმა სასამართლო პროცესის დაწყებამდე განაცხადა, დაცვის მხარე შუამდგომლობით მიმართავს სასამართლოს, რათა გოგიტა ორველაშვილი 5000 ლარის ოდენობის გირაოს სანაცვლოდ გაათავისუფლონ.

„პროკურატურა გვედავება [იარაღის] დაუდევრად შენახვას. რამდენადაც ვიცი, კანონით გათვალისწინებული წესების დაცვით არ იყო იარაღი შენახული და აქედან გამომდინარე წარუდგინეს ბრალი.

ჩვენი პოზიცია და სტრატეგიაა, რომ მოხდეს გოგიტა ორველაშვილი აღკვეთი ღონისძიების, გარეშე დატოვება, ხოლო ალტერნატივის სახით სასამართლოს 5000 ლარის ოდენობით გირაოს შევთავაზებთ“, - განაცხადა ლევან დოსმიშვილმა.

საქართველოს პროკურატურამ რუსთავში დამამძიმებელ გარემოებებში ჩადენილი ოთხი პირის განზრახ მკვლელობის და ერთი პირის განზრახ მკვლელობის მცდელობის, ასევე ცეცხლსასროლი იარაღის დაუდევრად შენახვის ფაქტზე, რამაც ოთხი ადამიანის სიცოცხლის მოსპობა გამოიწვია, ორ პირს ბრალდება 10 თებერვალს წარუდგინა.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ