მთელმა მსოფლიომ გაიგო, რას წარმოადგენს კეზერაშვილი, თაღლითური ხერხებით რომ მოქმედებდა და ძარცვავდა პენსიონერებს,- ამის შესახებ თბილისის მერმა კახა კალაძემ ჟურნალისტებთან საუბრისას განაცხადა.

კერძოდ, დედაქალაქის მერმა კითხვას უპასუხა, რომლის თანახმად, სენატორებმა და კონგრესმენებმა ტელეკომპანია „ფორმულას“ მიერ დაქირავებულ ლობისტებთან შეხვედრაზე უარი განაცხადეს.

მისი განცხადებით, აღნიშნული უარი განაპირობა კეზერაშვილის თაღლითურმა საქმიანობამ, რაც პენსიონერების ძარცვის ფაქტებს გულისხმობდა.

„ცხადია, შეხვედრა რატომ არ ისურვეს. ტელეკომპანია „ფორმულა“ ვისია? დავით კეზერაშვილის. რით იყო დაკავებული კეზერაშვილი და რა რეპუტაცია აქვს მას, ყველამ ვიცით. ისიც ვიცით ბოლო წლების განმავლობაში რას აკეთებდა, როგორი თაღლითური ხერხებით მოქმედებდა, მხედველობაში მაქვს პენსიონერების ძარცვა“, - აღნიშნა კახა კალაძემ.