კომუნიკაციების კომისიის წარმომადგენლები საარჩევნო ელექტრონულ ტექნოლოგიებს გაეცნენ

ცენტრალური საარჩევნო კომისიის (ცესკო) წარმომადგენლებმა კომუნიკაციების კომისიის თანამშრომლებს საარჩევნო ელექტრონული ტექნოლოგიები გააცნეს.

ცესკოს ინფორმაციით, შეხვედრა ცესკოს თავმჯდომარე გიორგი კალანდარიშვილმა გახსნა და მონაწილეებს 26 ოქტომბრის არჩევნებისთვის მზადების და ელექტრონული ტექნოლოგიების დანერგვის შესახებ ინფორმაცია მიაწოდა. ინფორმაციის თანახმად, მან ასევე ყურადღება გაამახვილა იმ უპრეცედენტო ინფორმირების კამპანიაზე, რომელსაც საარჩევნო ადმინისტრაცია ახორციელებს იმისათვის, რომ ამომრჩევლები 26 ოქტომბერს სიახლეებს ინფორმირებულნი შეხვდნენ.

„დეტალური პრეზენტაცია საარჩევნო სიახლეების, ვერიფიკაციის და ხმის თვლის აპარატების შესახებ მონაწილეებს საარჩევნო კომისიების მართვის განყოფილების უფროსმა რევაზ ეგაძემ წარუდგინა, რის შემდეგაც კომუნიკაციების კომისიის წარმომადგენლებს საშუალება ჰქონდათ მონაწილეობა მიეღოთ იმიტირებულ კენჭისყრაში და პირადად ენახათ თუ როგორ მუშაობს ტექნოლოგია. კომუნიკაციის კომისიის წარმომადგენლებმა პასუხები მიიღეს მათთვის საინტერესო ყველა კითხვაზე.

2024 წლის პარლამენტის არჩევნებზე ელექტრონული ტექნოლოგიები ყველაზე დიდი მასშტაბით იქნება გამოყენებული და ამომრჩეველთა თითქმის 90% ვერიფიკაციისა და ხმის მთვლელი აპარატების გამოყენებით მიიღებს მონაწილეობას. შესაბამისად, სიახლეების შესახებ ამომრჩეველთა ინფორმირება და განათლება საარჩევნო ადმინისტრაციის სტრატეგიული გეგმის ერთ-ერთი მთავარი მიზანია. საინფორმაციო კამპანიის ფარგლებში ამომრჩევლებთან შეხვედრები ინტენსიურად გაგრძელდება“, - ნათქვამია ცესკ-ს ინფორმაციაში.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო