ინდოეთში საპარლამენტო არჩევნები 19 აპრილს დაიწყება
ინდოეთში საპარლამენტო არჩევნები 19 აპრილს დაიწყება, - ამის შესახებ განცხადებას ინდოეთის საარჩევნო ორგანო ავრცელებს.
„ხმის მიცემის პირველი ეტაპისთვის, რომელიც რამდენიმე კვირის განმავლობაში ჩატარდება, კენჭისყრის თარიღი 19 აპრილი იქნება“, - განაცხადა მთავარმა საარჩევნო კომისარმა, რაჯივ კუმარმა.
მსოფლიოში ყველაზე მასშტაბური არჩევნები, რომელშიც ხმის მიცემა დაახლოებით 970 მილიონ ამომრჩეველს შეუძლია, ექვსი კვირის განმავლობაში გაიმართება.
საპარლამენტო არჩევნებში პრემიერ-მინისტრის, ნარენდრა მოდის ინდოეთის სახალხო პარტია ოპოზიციური პარტიებისგან შემდგარ ალიანსს დაუპირისპირდება. გამარჯვების შემთხვევაში მოდი ინდოეთის პრემიერ-მინისტრის თანამდებობას რიგით მესამე ვადით დაიკავებს.
