ევროკავშირის ბაზარზე უკრაინული სოფლის მეურნეობის პროდუქციის ტარიფების გარეშე დაშვება 2025 წლის ივნისამდე გაგრძელდება

ევროპარლამენტმა და ევროკავშირის საბჭომ შეთანხმებას მიაღწიეს, რომლის მიხედვით, ევროკავშირის ბაზარზე უკრაინული სოფლის მეურნეობის პროდუქციის ტარიფების გარეშე დაშვება 2025 წლის ივნისამდე გაგრძელდება, - ამის შესახებ ინფორმაციას ევროპარლამენტი ავრცელებს.

გადაწყვეტილების თანახმად, ევროკომისია სწრაფად მოქმედებას შეძლებს, თუ უკრაინული პროდუქციის იმპორტი ევროკავშირის ბაზარზე ან რომელიმე წევრის ბაზარზე მნიშვნელოვან შეფერხებას გამოიწვევს.

შეთანხმების გახანგრძლივების შემდეგ, მგრძნობიარე პროდუქტებზე განსხვავებული წესები იმოქმედებს, კერძოდ, შაქარზე, კვერცხზე, ფრინველზე, შვრიასა და თაფლზე, რომლებზეც შეზღუდვა 2022 და 2023 წლების დონეზე მოხდება. ტარიფები ხელახლა დაწესდება იმ შემთხვევაში, თუ აღნიშნულ პროდუქტებზე იმპორტის დონე 2022 და 2023 წლების მოცულობას გადააჭარბებს.

ცნობისთვის, უკრაინასა და ევროკავშირს შორის თავისუფალი ვაჭრობის შეთანხმება პირველად ძალაში 2022 წლის ივნისში შევიდა. მის მიზანს უკრაინაში რუსეთის სრულმასშტაბიანი შეჭრის შემდეგ კიევის ეკონომიკის დახმარება წარმოადგენს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა