ალექსანდრ პლიევი აცხადებს, რომ გავრცელებული ინფორმაცია, „სამხრეთ ოსეთის“ რუსეთთან შეერთების შესახებ რეფერენდუმზე, სიცრუეა

„სამხრეთ ოსეთის“ რუსეთთან შეერთების შესახებ გავრცელებული ინფორმაცია სიცრუეა, - ამის შესახებ ოკუპირებული ცხინვალის ე.წ. პარლამენტის თავმჯდომარის მოადგილემ, ალექსანდრ პლიევმა განაცხადა.

პლიევმა აღნიშნა, რომ იგი და ე.წ. პარლამენტის თავმჯდომარე, ალან ალბოროვი მოსკოვში რუსეთის საპრეზიდენტო არჩევნებზე საერთაშორისო დამკვირვებლების სტატუსით იმყოფებოდნენ და ყველა შეხვედრას ერთად დაესწრნენ, ხოლო გაერთიანების შესახებ ერთი სიტყვაც კი არ გაჟღერებულა.

„მე იქ პირადად ვიყავი, ამის შესახებ საუბარი არ ყოფილა. ცრუ ინფორმაცია „რია ნოვოსტის“ ერთ-ერთმა ჟურნალისტმა გაავრცელა. სწორედ ამ შეხვედრას ხუთი რუსი სენატორი ესწრებოდა, რუსეთის ფედერაციის საბჭოს თავმჯდომარის მოადგილე, კონსტანტინ კოსაჩევი და რუსეთის ფედერაციის საბჭოს საერთაშორისო საკითხთა კომიტეტის თავმჯდომარე, გრიგორი კარასინი. ეს ამბავი ამ შეხვედრიდან გამოსვლის შემდეგ ყველამ ერთად გავიგეთ და ჩვენი რუსი კოლეგებიც გაოცებულები იყვნენ. მოგვიანებით, საპირისპიროს დასამტკიცებლად შეხვედრის აუდიოჩანაწერიც კი გადმოგვცეს“, - განაცხადა პლიევმა.

ცნობისთვის, რუსულმა სახელმწიფო სააგენტომ, „რია ნოვოსტმა“ ინფორმაცია სათაურით, „სამხრეთ ოსეთი რუსეთთან შეერთების შესახებ რეფერენდუმს განიხილავს“ 17 მარტს გაავრცელა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო