„ნაციონალური მოძრაობის“ ახალგაზრდული ორგანიზაციის მდივნის განცხადებით, მიხეილ სააკაშვილის გათავისუფლების მოთხოვნით 200 ათასამდე ხელმოწერა შეგროვდა
„ერთიანი ნაციონალური მოძრაობის“ ახალგაზრდული ორგანიზაციის მდივნის, იგორ ნარმანიას განცხადებით, ექსპრეზიდენტ მიხეილ სააკაშვილის გათავისუფლების მოთხოვნით 200 ათასამდე ხელმოწერა შეგროვდა და კიდევ უფრო ბევრი ეთანხმება მიხეილ სააკაშვილის გათავისუფლებას. როგორც ნარმანიამ აღნიშნა, სალომე ზურაბიშვილმა კარგად უნდა გაიაზროს, რომ საქართველოს არ ჰყოლია დამნაშავე პრეზიდენტი.
„მინდა მივესალმო შეუპოვარ, შეუდრეკელ, მებრძოლ და დაუღალავ მეგრელებს, რომლებიც ოდითგანვე იდგნენ ისტორიის სწორ მხარეს, ბოლომდე იდგნენ საქართველოს პირველ პრეზიდენტთან, ბოლომდე დგანან და იბრძვიან მიხეილ სააკაშვილთან ერთად მისი და ამ ქვეყნის თავისუფლებისთვის. ჩვენ ყველას კარგად გვესმის, რომ დღეს არ არის დაღლის დრო, დღეს არ არის არსად წასვლის დრო, დღეს არის ერთიანობის, გამარჯვების დრო, რადგან საქართველოს საუკეთესო დღეები არის წინ მიხეილ სააკაშვილთან ერთად. სალომე ზურაბიშვილმაც კარგად უნდა გაიაზროს, რომ საქართველოს არ ჰყოლია დამნაშავე პრეზიდენტი, საქართველოს არ ჰყოლია ირაკლი კობახიძის, მურუსიძის, ჩინჩალაძის და რუსული სასამართლოს გასასამართლებელი პრეზიდენტი. ორასი ათასამდე ხელმოწერა შეგროვდა და კიდევ უფრო ბევრი ეთანხმება მიხეილ სააკაშვილის გათავისუფლების მოთხოვნას. საქართველოს გმირი პრეზიდენტი მიხეილ სააკაშვილი თავისუფალი უნდა იყოს ქართველ ხალხთან ერთად, რათა დაასრულოს ის რუსული მმართველობა, სიდუხჭირე, სიღატაკე, რომელიც ბიძინა ივანიშვილმა ყველას ოჯახში შეიტანა. ემიგრანტები, რომლებიც საქართველოდან გააქცია, დღეს ქვეყანაში ვერ ბრუნდებიან და საკუთარ შვილებს ვერ ხედავენ“, - განაცხადა იგორ ნარმანიამ.
ინფორმაციას „ერთიანი ნაციონალური მოძრაობა“ ავრცელებს.
v-if="article.gallery" v-html="article.gallery"
