ელჩი - თუ მიუბრუნდებით გაფართოების პირველ ანგარიშს, რომელიც ევროკომისიამ შეიმუშავა, დავინახავთ მოსამართლეების კეთილსინდისიერების ხარისხის შემოწმების საჭიროებას - ეს უნდა მოხდეს საერთაშორისო ექსპერტების მონაწილეობით

თუ მიუბრუნდებით გაფართოების პირველ ანგარიშს, რომელიც ევროკომისიამ საქართველოსთვის შეიმუშავა გასულ წელს, დავინახავთ მოსამართლეების კეთილსინდისიერების ხარისხის შემოწმების საჭიროებას და ეს უნდა მოხდეს საერთაშორისო ექსპერტების მონაწილეობით. როგორ უნდა გავაკეთოთ ეს, როგორი უნდა იყოს პროცედურა, ამის განხილვა საჭიროა ჩვენს ქართველ კოლეგებთან, - ამის შესახებ საქართველოში ევროკავშირის ელჩმა პაველ ჰერჩინსკიმ ე.წ. ვეტინგის პროცედურასთან დაკავშირებით განაცხადა.

ელჩის თქმით, საბოლოო მიზანი არის დამოუკიდებელი და პროფესიონალური სასამართლო სისტემის მიღება, რომელმაც საქართველოში დემოკრატია უნდა გააძლიეროს.

„სრულად დამოუკიდებელი, სრულად პროფესიონალური სასამართლო სისტემა ყველა დემოკრატიის ერთ-ერთი ფუნდამენტია. სწორედ ამიტომ გაფართოების ყველა ქვეყნისთვის და რეალურად, ჩვენივე წევრი ქვეყნებისთვის ევროკომისია აყენებს სასამართლო რეფორმას, როგორც ერთ-ერთ პრიორიტეტულს. ეს, ასევე, არის ერთ-ერთი ცხრა ნაბიჯიდან. თუ მივუბრუნდებით გაფართოების პირველ ანგარიშს, რომელიც ევროკომისიამ საქართველოსთვის შეიმუშავა გასულ წელს, რომელიც გამოქვეყნებულ იქნა გასული წლის ოქტომბერში, დავინახავთ მოსამართლეების კეთილსინდისიერების ხარისხის შემოწმების საჭიროებას და ეს უნდა მოხდეს საერთაშორისო ექსპერტების მონაწილეობით. როგორ უნდა გავაკეთოთ ეს, როგორი უნდა იყოს პროცედურა, ამის განხილვა საჭიროა ჩვენს ქართველ კოლეგებთან. მზად ვართ დაგეხმაროთ და გაგიზიაროთ გამოცდილება, რომელიც ჩვენ, ევროკომისიამ, უკვე შევიძინეთ სხვა ქვეყნებთან მუშაობის პროცესში, რომლებიც გაფართოების გზაზე არიან. კვლავაც, მიზანია, რომ საქართველოში იყოს სრულად დამოუკიდებელი, სრულად პროფესიონალური სასამართლო სისტემა იმისთვის, რომ ქვეყანაში იყოს ძლიერი დემოკრატია“,- განაცხადა პაველ ჰერჩინსკიმ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა